قالالىق پوليسيا دەپارتامەنتى اۆتوبۋس جۇرگىزۋشىسىنە پىشاقپەن شابۋىل جاساعان كۇدىكتىنى تۇتقىنداپ، تەرگەۋ جۇمىستارىن جۇرگىزىپ جاتىر.
الدىن الا مالىمەتتەرگە سايكەس، جولاۋشى مەن جۇرگىزۋشى اراسىندا جانجال شىعىپ، ناتيجەسىندە اۆتوبۋس جۇرگىزۋشىسى جارالانعان، دەپ حابارلايدى Almaty-akshamy.kz
«سۋىق قارۋ قولدانىلعان بۇزاقىلىق فاكتىسى بويىنشا قىلمىستىق ءىس قوزعالدى. كۇدىكتى ۇستالىپ، قاماۋعا الىندى. الدىن الا مالىمەت بويىنشا، ەر ادامدار اراسىندا اۋىزشا جانجال بولعان، سودان كەيىن قاتىسۋشىلاردىڭ ءبىرى پىشاق قولدانعان. قىلمىس قۇرالى تاركىلەندى»، - دەپ حابارلايدى الماتى قالاسى پوليسيا دەپارتامەنتىنىڭ باسپا ءسوز قىزمەتىنەن.