ءىnterContinental الاڭىندا Women In Business حالىقارالىق فورۋمى ءوتتى.
اۋقىمدى شاراعا كاسىپكەر، ساراپشى، ليدەرلەر قاتارىنان 350-دەن اسا قىز-كەلىنشەك جينالدى. ايەلدەر كاسىپكەرلىگىندە كەزدەسەتىن وزەكتى سىن-قاتەر، سونداي-اق جاڭا مۇمكىندىك پەن قولداۋ شارالارى تالقىلاندى. فورۋمعا قاتىسۋشىلار ايەلدەر كاسىپكەرلىگىن قارجىلاندىرۋ، بيزنەس نەگىزىنە وقىتۋ مەن كەدەرگىنى جويۋ ماسەلەسىنە نازار اۋداردى. ءىس-شارا بارىسىندا سپيكەرلەر ەكونوميكالىق ءوسۋ ءۇشىن گەندەرلىك تەڭدىكتىڭ ماڭىزىنا ءمان بەردى.
«الەمدىك جالپى ىشكى ونىمدەگى 7 ترلن دوللارعا دەيىنگى شىعىن ايەل مەن ەر اراسىنداعى ەڭبەكاقى الشاقتىعى سالدارىنان تۋىندايدى. ەلىمىزدە ەرلەرگە قاراعاندا، ايەلدەر 26 پايىزعا از تابىس تابادى. ايەلدەر كاسىپكەرلىگىن قولداۋ – وزەكتى شەشىمنىڭ ءبىرى»، – دەپ مالىمدەدى Halyk Bank باسقارما ءتورايىمى.
راسىندا، الەم كۇردەلى سىن-قاتەرگە تاپ بولدى، سونىڭ سالدارى ەلىمىزدىڭ ەكونوميكاسىنا دا اسەر ەتۋدە. ەكونومكانىڭ ساپالى ءارى تۇراقتى ءوسۋى، حالىقتىڭ ءال-اۋقاتىن ارتتىرۋ – مەملەكەتتىڭ ەكونوميكالىق ساياساتى، جۇرگىزىلىپ جاتقان رەفورمانىڭ ناتيجەسى.
«بيزنەستى دامىتۋعا مەنشىك، مۇراگەرلىك پەن ايەلدەردىڭ قارجىلىق قىزمەتىنە، قارىز-قاراجاتقا وڭايلاتىلعان قول جەتىمدىلىك ماسەلەسىنە زاڭنامالىق كەپىلدىكتى قامتاماسىز ەتۋ قاجەت. سونداي-اق، ەكونوميكانىڭ ءتۇرلى سالاسىندا تابىستى جۇمىس ىستەۋدە داعدى مەن ءبىلىم بەرۋگە، ايەلدەردىڭ ءبىلىمى مەن كاسىبي دايىندىعىنا ينۆەستيسيا سالۋ ماڭىزدى»، – دۇنيەجۇزىلىك بانكتىڭ ورتالىق ازيا بويىنشا وڭىرلىك ديرەكتورى تاتيانا پروسكۋرياكوۆا.
فورۋم اياسىندا سالىق سالۋ ماسەلەسىنە قاتىستى شەبەرلىك ساباعى، جوبا اياسىندا ونلاين وقۋدان وتكەن Belesteri بايقاۋىنىڭ 17 جەڭىمپازى ماراپاتتالدى. جوبا جەڭىمپازدارى اۋىل ايەلدەرى مەن جاستار جەكە كاسىپ باستاۋعا، ونى دامىتۋعا گرانت يەلەندى. جوبا شاعىن كاسىپ باستاۋشىعا دا، بيزنەستى اۋقىمداۋعا دا ءۇش ءتۇرلى ءبىلىم باعدارلاماسىن ۇسىندى. 12 جىل ىشىندە 137 مىڭنان اسا قىز-كەلىنشەك وقۋعا قاتىستى. 10 مىڭعا جۋىق شاعىن بيزنەس پەن 13 مىڭنان اسا جۇمىس ورنى قۇرىلدى.
«Women in Business – جاي عانا فورۋم ەمەس، بيزنەس ءپالساپاسى، كونتەنت پەن نەتۆوركتىڭ ساپالى دەڭگەيىنىڭ ترانسفورماسياسى. بيىل ءبىز ايەل كاسىپكەرلەر جاڭا سىن-قاتەرگە قالاي قارسى تۇرىپ، ماكروەكونوميكالىق وزگەرىستەن اقپاراتتىق قاۋىپسىزدىككە دەيىنگى جاھاندىق ماسەلەنى شەشۋگە قالاي ىقپال ەتە الاتىنىن تالقىلادىق. ايەلدەر بيزنەسىنە جاڭا مۇمكىندىك اشىپ جاتقان سيفرلىق ترانسفورماسيا مەن جاڭا تەحنولوگيالارعا باسا نازار اۋدارىلدى»، – دەپ قورىتىندىلادى فورۋم ۇيىمداستىرۋشىسى اقەركىن ەرالييەۆا.