قازاقستاندا سوڭعى ەكى جىلدا 80 اۋىل جويىلىپ كەتكەنى ءمالىم بولدى. بۇل تۋرالى ماجىلىستەگى اۋىلدىق اۋماقتاردى دامىتۋ ماسەلەلەرى جونىندەگى دوڭگەلەك ۇستەل بارىسىندا دەپۋتات جيگۋلي دايرابايەۆ ايتتى، دەپ حابارلايدى aqshamnews.kz.
دەپۋتاتتىڭ ايتۋىنشا، 2023 جىلعى 1 قازانعا قاراي قازاقستان حالقىنىڭ 37،2 پايىزى اۋىلدىق جەرلەردە تۇرعان. ءبىراق بۇل كورسەتكىش جىل سايىن تومەندەپ كەلەدى. قازىرگى تاڭدا قازاقستاندا 6 208 اۋىل بار، ال 2023 جىلى ولاردىڭ سانى 6 286 بولعان. بۇل دەگەنىمىز، تەك ەكى جىل ىشىندە 80 اۋىل جويىلدى. ۇلتتىق ستاتيستيكا بيۋروسىنىڭ مالىمەتىنشە، اۋىلدارداعى كوشى-قون سالدوسى 2023 جىلى مينۋس 111 400 ادامدى قۇرادى.
"بۇل - سوڭعى 25 جىلداعى ەڭ تومەنگى كورسەتكىش"، - دەدى دايرابايەۆ.
دەپۋتات تۇركىستان وبلىسىنداعى جاعدايدى ەرەكشە اتاپ ءوتىپ، وسى وڭىردەن 29،2 مىڭ ادامنىڭ كوشىپ كەتكەنىن مالىمدەدى.
2024 جىلعى 1 شىلدەدەگى جاعداي بويىنشا قازاقستاندا 6 208 اۋىلدىق ەلدى مەكەن بار.