Winter Run جارىسىنىڭ ۇيىمداستىرۋ كوميتەتى الماتى تۇرعىندارى مەن قوناقتارىنا جارىس وتەتىن كۇنى جولداردىڭ ءىشىنارا جابىلاتىنى تۋرالى مالىمدەدى، دەپ حابارلايدى اlmaty-akshamy.kz
20 اقپان كۇنى Winter Run جارىسى وتەتىن ۋاقىتتا، ياعني، تاڭعى ساعات 05:00-دەن 13:00-گە دەيىن جارىس قاشىقتىعى وتەتىن جەرلەردە جولدارداعى قوزعالىس ءىشىنارا جابىلادى.
جارىس سورەسى «نۇرلى-تاۋ» بيزنەس ورتالىعىنىڭ جانىنان باستالادى. ءال-فارابي داڭعىلىنىڭ سولتۇستىك جاعىندا نازاربايەۆ داڭعىلىنان جەلتوقسان كوشەسىنە دەيىنگى جول بولىگىندە قوزعالىس ساعات 05:00-دەن 13:00-گە دەيىن جابىق بولادى.
ءال-فارابي داڭعىلى بويىندا تۋننەلگە كىرەتىن ايماق مەڭدىقۇلوۆ كوشەسىنەن باستاپ ساعات 05:00-دەن 13:00-گە دەيىن جابىق بولادى.
ءال-فارابي داڭعىلىنىڭ وڭتۇستىك جاعىمەن اۆتوكولىكتەردىڭ جۇرۋىنە بولادى.
ءال-فارابي داڭعىلىنىڭ سولتۇستىك جاعىندا جەلتوقسان كوشەسىنەن Esentai Mall ساۋدا ورتالىعىنا دەيىن قوزعالىس ساعات 07:40-تان 11:00-گە دەيىن جابىق. وڭتۇستىك جاعى اۆتوكولىكتەر ءۇشىن اشىق.
ءال-فارابي داڭعىلىنىڭ سولتۇستىك جاعىندا Esentai Mall ساۋدا ورتالىعىنان گاگارين داڭعىلىنا دەيىن قوزعالىس ساعات 08:30-دان 10:45-كە دەيىن جابىق بولادى. وڭتۇستىك جاعى اۆتوكولىك قوزعالىسى ءۇشىن اشىق.
«نۇرلى-تاۋ» بيزنەس-ورتالىعىنا كولىكپەن جەتۋ ءۇشىن ۇسىنىلاتىن مارشرۋت:
1. جەلتوقسان كوشەسىنىڭ بويىمەن وڭتۇستىككە قاراي ءال-فارابي داڭعىلىنا دەيىن،
2. نازاربايەۆ داڭعىلىنىڭ بويىمەن وڭتۇستىككە قاراي ءال-فارابي داڭعىلىنا دەيىن،
3. ءال-فارابي داڭعىلىنىڭ بويىمەن باتىسقا قاراي نازاربايەۆ داڭعىلىنا دەيىن،
4. نازاربايەۆ داڭعىلىنىڭ بويىمەن سولتۇستىككە قاراي ءال-فارابي داڭعىلىنا دەيىن،
5. ءال-فارابي داڭعىلىنىڭ وڭتۇستىك جاعىمەن جەلتوقسان كوشەسىنە دەيىن.
«جولداردىڭ جۇكتەلۋ دەڭگەيىنىڭ جوعارى بولۋىنا بايلانىستى قاتىسۋشىلارعا جارىستىڭ باستالۋ ورنىنا («نۇرلى-تاۋ» بو) ءال-فارابي داڭعىلى مەن سەيفۋللين كوشەسىنىڭ قيىلىسىنا دەيىن اۆتوبۋسپەن جەتۋگە كەڭەس بەرەمىز. سورە قالاشىعىنىڭ جانىندا كولىكتى تۇراققا قويۋ قيىن بولاتىندىعىنا نازارلارىڭىزدى اۋدارامىز»،- دەدى ۇيىمداستىرۋشىلار
ەستەرىڭىزگە سالايىق، 20 اقپاندا (جەكسەنبى) Winter Run جارىسى وتەدى. سپورت اۋەسقويلارىنا 3 كم جۇگىرۋ قاشىقتىعى ۇسىنىلعان. ولار:
3 كم بالالار قاشىقتىعى،
10 كم جانە 7 كم سكانديناۆيالىق ءجۇرىس.
قاتىسۋشىلاردىڭ جاس مولشەرى – 10 جاستان جوعارى. جارىس «نۇرلى-تاۋ» بيزنەس ورتالىعىنىڭ جانىندا باستالادى.