بۇل - 2020 جىلمەن سالىستىرعان كەزدەگى كورسەتكىش
اتالعان قىزمەتتەر (5،9 ملن قىزمەت) نەگىزىنەن 17 جاسقا دەيىنگى بالالارعا كورسەتىلگەن، دەپ حابارلايدى Almaty-akshamy.kz Elorda.info-عا ءسىلتەمە جاساپ.
مىندەتتى الەۋمەتتىك مەديسينالىق ساقتاندىرۋ جۇيەسىن ىسكە قوسۋ بالالار مەن جۇكتى ايەلدەرگە جوسپارلى ستوماتولوگيالىق كومەكتى تەگىن الۋعا مۇمكىندىك بەردى. ال شۇعىل جاعدايلاردا زەينەتكەرلەر، كوپ بالالى انالار، مۇگەدەكتەر، ولارعا كۇتىم جاسايتىن جۇمىسسىزدار، ااك الۋشىلار، سونداي-اق بەلگىلى ءبىر اۋرۋلارمەن ەسەپتە تۇرعان پاسيەنتتەر دە تەگىن ستوماتولوگيالىق كومەك الا الادى.
«ءمامس جۇيەسىنىڭ ىسكە قوسىلۋىنىڭ ارقاسىندا 2020 جىلدىڭ 1 قاڭتارىنان باستاپ حالىقتىڭ ءتيىستى ساناتتارى ءۇشىن بەلگىلى ءبىر ستوماتولوگيالىق قىزمەت قولجەتىمدى بولدى. جۇيە ەنگىزىلگەن العاشقى جىلى 6،8 ملن قىزمەت كورسەتىلدى. ءبىر جىلدان كەيىن ءمامس بويىنشا ستوماتولوگيالىق كومەكتى تۇتىنۋ ءبىر جارىم ەسەگە – 10 ملن قىزمەتكە دەيىن وسكەنى بايقالادى. ستوماتولوگيالىق كومەكتى قارجىلاندىرۋدى ارتتىرۋ وعان مۇقتاج پاسيەنتتەردى كوپ قامتۋعا مۇمكىندىك بەردى. بۇل رەتتە تالداۋ كورسەتكەندەي، ستوماتولوگيالىق قىزمەتتەر نەگىزىنەن 17 جاسقا دەيىنگى بالالارعا كورسەتىلگەن»، - دەپ اتاپ ءوتتى قور ساراپشىلارى.
سوڭعى ەكى جىلدا ءمامس ەسەبىنەن قارجىلاندىرۋ اياسىندا 37 ملرد تەڭگەگە 16،8 ملن-نان استام ستوماتولوگيالىق كومەك كورسەتىلدى. 2022 جىلعا ساتىپ الۋ جوسپارىندا 22،7 ملرد تەڭگەگە ستوماتولوگيالىق قىزمەت كورسەتۋ قاراستىرىلعان.
قور ساراپشىلارىنىڭ تۇسىندىرۋىنشە، ستوماتولوگيالىق كومەك پاسيەنتتىڭ مەديسينالىق ۇيىمدى ەركىن تاڭداۋى نەگىزىندە كورسەتىلەدى، ياعني ول ءۇشىن ۋچاسكەلىك دارىگەردىڭ جولداماسى تالاپ ەتىلمەيدى. قىزمەتتەردى الۋ ءۇشىن قورمەن كەلىسىمشارتى بار جەكە ستوماتولوگيالىق كلينيكانى تاڭداۋعا نەمەسە ءوز ەمحاناڭىزدىڭ ستوماتولوگيالىق كابينەتىنە جۇگىنۋگە بولادى.
ەلىمىز بويىنشا 600-دەن استام مەديسينالىق ۇيىم ءمامس بويىنشا ستوماتولوگيالىق قىزمەتتەر كورسەتەدى.
ءمامس پاكەتى بويىنشا جوسپارلى ستوماتولوگيالىق كومەك مىنا پاسيەنتتەر ءۇشىن قاراستىرىلعان:
- بالالار؛
- جۇكتى ايەلدەر.
شۇعىل ستوماتولوگيالىق كومەكتى ازاماتتاردىڭ مىنا ساناتتارى الا الادى:
- 18 جاسقا دەيىنگى بالالار؛
- جۇكتى ايەلدەر؛
- ۇوس قاتىسۋشىلار جانە ولارعا تەڭەستىرىلگەن تۇلعالار؛
- I، II، III توپتاعى مۇگەدەكتەر؛
- «التىن القا» جانە «كۇمىس القا» القالارىمەن ماراپاتتالعان كوپ بالالى انالار؛
- اتاۋلى الەۋمەتتىك كومەك الۋشىلار؛
- جاسى بويىنشا زەينەتكەرلەر؛
- جۇقپالى جانە الەۋمەتتىك ماڭىزى بار جانە اينالاسىنداعىلارعا ءقاۋىپ توندىرەتىن اۋرۋلارمەن اۋىراتىن ناۋقاستار؛
- ەرەكشە قاجەتتىلىكتەرى بار بالاعا نەمەسە بالا كەزىنەن I توپتاعى مۇگەدەككە كۇتىم جاسايتىن جۇمىس ىستەمەيتىن قازاقستاندىقتار.
قانداي جاعدايدى توتەنشە جاعداي دەپ ساناۋعا بولادى؟
- فلەگمونعا تەرىنىڭ، تەرى استىنداعى تىندەردىڭ جەدەل باكتەريالىق ينفەكسياسى، كوبىنەسە سترەپتوكوككتار نەمەسە ستافيلوكوككتار سەبەپ بولادى؛
- ابسەسس، فۋرۋنكۋل، كاربۋنكۋل سياقتى جاق-بەت ايماعىنىڭ وتكىر، بىركەلكى ەمەس قابىنۋ اۋرۋلارى؛
- وستەوميەليت؛
- سىرتقى قولجەتىمدىلىكتى قاجەت ەتەتىن ءتىس جۇلۋ؛
- تەك ستاسيونار جاعدايىندا عانا كومەك كورسەتۋگە بولاتىن باسقا دا جاعدايلار.
شۇعىل كومەك پاسيەنتتىڭ ومىرىنە ءقاۋىپ توندىرەتىن كەنەتتەن بولعان مىناداي ءجىتى جانە سوزىلمالى اۋرۋلار اسقىنعان كەزدە كورسەتىلەدى:
- پۋلپيت (وتكىر نەمەسە سوزىلمالى)؛
- پەريودونتيت (وتكىر جانە سوزىلمالى)؛
- جاق-بەت جاراقاتى (مىسالى، ءتىستىڭ تايۋى نەمەسە سىنۋى)؛
- جاق-بەت ايماعىنىڭ ودونتوگەندىك جانە ودونتوگەندىك ەمەس قابىنۋ اۋرۋلارىنىڭ ءورشۋ بەلگىلەرى؛
- ستوماتيت؛
- وتكىر اۋىرۋ جاعدايلارىندا؛
- جەدەل ارالاسۋدى قاجەت ەتەتىن ەمدەۋ ءادىسى.
پاسيەنتتەردىڭ وسى ساناتتارى ءۇشىن ءمامس-تە قانداي كومەك تەگىن قاراستىرىلعان؟
- انەستەزيا؛
- جاق نەمەسە ءتىستىڭ رەنتگەنوگرافياسى؛
- ءتىستى جۇلۋ؛
- دايىنداۋ جانە پلومبا سالۋ؛
- پەريوستوتوميا؛
- پۋلپيت، پەريودونتيت، ءستوماتيتتىڭ جەدەل تۇرلەرىن، الۆەوليتتى ەمدەۋ؛
- ابسەسستى اشۋ.