الماتىداعى تارتىپسىزدىكتەرگە قاتىسقان شەتەلدىك ازاماتتار قاماۋعا الىندى

ولار قاماۋعا الىنعان.  

پروكۋراتۋرا ماماندارى قاڭتاردا ورىن العان لاڭكەستىك ارەكەتتەر مەن تارتىپسىزدىكتەرگە قاتىستى تەرگەپ-تەكسەرۋدى جالعاسىپ جاتقانىن جەتكىزدى، دەپ حابارلايدى Almaty-akshamy.kz.

ارنايى جۇرگىزىلگەن تەرگەۋ بارىسىندا 2022 جىلعى قاڭتاردىڭ 4-ىنەن 5-ىنە قاراعان ءتۇنى الماتىدا قالا اكىمدىگىنىڭ عيماراتىن باسىپ الۋ كەزىندەگى تارتىپسىزدىكتەرگە بەلسەندى قاتىسقان ەكى شەتەلدىك ازامات انىقتالدى.

«اتالعان ادامدار عيماراتتى قورعاپ جۇرگەن مامانداندىرىلعان كۇزەت قىزمەتىنىڭ قارۋسىز قىزمەتكەرلەرىنە قارسى قاتىگەزدىكپەن كۇش قولدانعان. ولار پوليسەيلەرگە بۇرىن تارتىپ الىنعان ارنايى قۇرالدارمەن (قالقاندار، تاياقشالار) دەنە جاراقاتتارىن سالعان»،- دەلىنگەن پروكۋراتۋرانىڭ حابارلاماسىندا.

بەينەماتەريالداردى سايكەستەندىرۋ ناتيجەسىندە قىلمىسكەرلەردىڭ كىم ەكەنى انىقتالدى. بيىلعى جىلدىڭ 1 اقپانىندا ولار سوتتىڭ سانكسياسىمەن قاماۋعا الىندى.

ولاردىڭ قىلمىستىق ارەكەتتەرى قىلمىستىق كودەكستىڭ 272-بابىنىڭ 2-بولىگى (جاپپاي تارتىپسىزدىكتەرگە قاتىسۋ)، 380-بابى 3-بولىگىنىڭ 1،4-تارماقتارى (بيلىك وكىلىنە كۇش قولدانۋ) بويىنشا سارالاندى.

«2022 جىلعى 6 قاڭتاردا قىلمىسكەرلەر تەلەەفير ۇيىمداستىرۋ ماقساتىندا «كوكتوبە» تەلەمۇناراسىن باسىپ الۋدى جوسپارلاپ، ول ءۇشىن بەيبىت تۇرعىنداردى بىرلەسىپ قىلمىس جاساۋعا كوندىرە باستاعان جانە قىلمىسكەرلەر ولاردىڭ ومىرىنە ءقاۋىپ توندىرگەن.1992 جىلى تۋعان ازامات باس تارتقان سوڭ، قىلمىسكەرلەر وعان مىلتىقپەن ەكى رەت وق اتقان، ناتيجەسىندە جابىرلەنۋشى قولىنان جانە جىنىس مۇشەلەرى تۇسىنان جاراقات العان. اتالعان قىلمىستىڭ ۇيىمداستىرۋشىسى ۇستالدى، ول بۇرىن سوتتالعان 1983 جىلى تۋعان الماتى قالاسى ماڭىنىڭ تۇرعىنى بولىپ شىقتى. ونىڭ قىلمىسقا قاتىستىلىعى كۋاگەرلەردىڭ تۇسىنىكتەمەلەرىمەن دالەلدەنەدى. ول اعىمداعى جىلدىڭ 25 قاڭتارىندا سوتتىڭ سانكسياسىمەن قاماۋعا الىندى»، - دەلىنگەن پروكۋراتۋرانىڭ حابارلاماسىندا.