ەندى حابارلامالاردى سينحرونداۋ فوندىق رەجيمدە جۇرەتىن بولادى.
جاڭا مۇمكىندىك براۋزەر بەتى اشىق تۇرماسا دا، حابارلامالاردى فوندىق رەجيمدە اۆتوماتتى تۇردە ساقتاپ، جاڭارتۋعا مۇمكىندىك بەرەدى، ياعني پايدالانۋشىلارعا حابارلامالاردى جاڭارتىپ وتىرۋ ءۇشىن WhatsApp Web بەتىن ۇنەمى اشىق ۇستاۋدىڭ قاجەتى جوق دەگەندى بىلدىرەدى، دەپ حابارلايدى Almaty-akshamy.kz
مەسسەندجەر قولدانۋشىلارى بۇعان دەيىن ونداعى اقپاراتتىڭ سەرۆەرگە جازىلۋى ءۇشىن براۋزەر بەتىن جاپپاي كۇتۋگە تۋرا كەلەتىنىن ايتىپ، شاعىمدانعان بولاتىن.
"فوندىق سينحرونداۋدى" ەنگىزۋ WhatsApp Webء-تىڭ جوعارى ونىمدىلىگىن قامتاماسىز ەتەدى. پايدالانۋشىلار وزدەرىنىڭ اڭگىمەلەرى مەن چاتتارىن ەندى ءوز قولىمەن جاڭارتىپ وتىرمايدى، جۇيە ءوزى فوندىق رەجيمدە ءبارىن ساقتاپ وتىرادى. مۇنداي تۇزەتۋ، اسىرەسە، WhatsApp Webء-تى جۇمىس بابىمەن، باسقا دا سەبەپتەرمەن كۇندەلىكتى پايدالاناتىن قولدانۋشىلارعا پايدالى بولارى ءسوزسىز.