WhatsApp-تا ستيكەرلەر جاساۋعا بولادى
تانىمال مەسسەندجەر WhatsApp-تىڭ ۆەب-نۇسقاسىندا ستيكەرلەر قۇرۋ فۋنكسياسى ىسكە قوسىلدى. بۇل تۋرالى Gizmochina پورتالى حابارلاعان.
پايدالانۋشىلارعا ءوز ستيكەرلەرىن قاراپايىم سۋرەتتەردەن جاساۋ ۇسىنىلادى. رەداكسيالاۋ قۇرالدارىنا سمايليكتەردى قولدانۋعا بولادى، ولاردى ستيكەردىڭ ۇستىنە ورنالاستىرىپ قويسا بولادى. ءماتىن قويۋ، قيىپ الۋ جانە باسقا سۋرەتتەردى دە نەگىزگى سۋرەتتىڭ ۇستىنە قويۋعا بولادى، دەپ حابارلايدى Almaty-akshamy.kz ريا نوۆوستيعا سىلتەمە جاساپ.
ستيكەر جاساۋ مۇمكىندىگىنە قول جەتكىزۋ ءۇشىن WhatsApp-تىڭ ۆەب-نۇسقاسىندا تىركەمە بەلگىشەسىن باسىپ، Stickerء-دى باسقاننان كەيىن، سۋرەتتى تاڭداۋ كەرەك.
بۇل فۋنكسيا ازىرگە مەسسەندجەردىڭ تەك ۆەب-نۇسقاسىندا ىستەيدى. جاڭا مۇمكىندىكتىڭ Android پەن iOS پايدالانۋشىلارى ءۇشىن قاشان شىعاتىنى بەلگىسىز.