جاڭا جىل كەشتەرىنە تىيىم جوق، ءبىراق شەكتەۋ بار

الماتىدا جاڭا جىل كەشتەرىنە تىيىم سالىنبايتىن بولدى

 بۇل جونىندە قالانىڭ باس سانيتارلىق دارىگەرىنىڭ ورىنباسارى ءسادۋاقاس بايعابىلوۆ مالىمدەدى. ياعني «Ashyq» قوسىمشاسى ورناتىلعان كەز-كەلگەن مەيرامحانا نەمەسە قوعامدىق تاماقتانۋ ورىندارىنا «ستاتۋسى جاسىل» قوناقتار عانا كىرە الادى، دەپ حابارلايدى Almaty-akshamy.kz 24.kz-كە سىلتەمە جاساپ.

ال نەشە ادام كىرە الاتىنى ءدال سول كەزدەگى ەپيداحۋالعا بايلانىستى بولادى. ەگەر سول ۋاقىتتا قالا «جاسىل ايماقتا» بولسا زال 50%-كە دەيىن عانا تولۋى كەرەك ءارى كەلۋشىلەردىڭ سانى 100 ادامنان اسپاۋى شارت. ال «سارى» نەمەسە «قىزىل ايماققا» ءوتىپ جاتسا ادام سانى ازايتىلۋى ءتيىس.

«كەز كەلگەن ۇجىم جاڭاجىلدىق مەرەكەنى تويلاتقىسى كەلسە، كارانتيندىك تالاپتاردى قاتاڭ ساقتاۋى كەرەك. ءبىرىنشى كەزەكتە قالا تۇرعىندارى ۆاكسينا الۋ كەرەك. جانە بەتپەردە تاعىپ، اراقاشىقتىقتى ساقتاپ ءجۇرۋى ءتيىس. سونداي-اق بارلىق مەيرامحانالاردان، قوعامدىق تاماقتانۋ ورىندارىنان «اشىق» قوسىشاسىنان بولەك سانيتارلىق تازالىق تالاپ ەتىلەدى. ەگەر قالادا Covid جۇقتىرۋ كورسەتكىشى ۋشىعىپ بارا جاتسا، جاڭاجىلدىق جانە باسقا دا مەرەكەلەردىڭ وتۋىنە تىيىم سالىنادى»، - دەيدى قالالىق باس سانيتار دارىگەردىڭ ورىنباسارى ءسادۋاقاس بايعابىلوۆ.