بۇل مۇمكىندىك بەلگىسىز نومىرلەرمەن بايلانىسۋدى الدەقايدا جەڭىلدەتەدى.
WhatsApp الەۋمەتتىك جەلىسىندە تەلەفون نومىرلەرىن ساقتاماي-اق ىزدەۋ ارقىلى بەيتانىس ادامدارمەن سويلەسۋگە مۇمكىندىك بەرەتىن جاڭا فۋنكسيا پايدا بولدى، دەپ حابارلايدى Almaty-akshamy.kz
WaBetaInfo پورتالىنىڭ جازۋىنشا، iOS جانە Android ءۇشىن WhatsApp-تىڭ سوڭعى نۇسقالارىن ورناتقان پايدالانۋشىلارعا قولجەتىمدى.
ەندى جەلىگە بەلگىسىز تەلەفون ءنومىرىن ەنگىزگەن كەزدە WhatsApp كونتاكتىلەردى ىزدەيدى. بۇل مۇمكىندىكتىڭ بار-جوعىن ءبىلۋ ءۇشىن كونتاكتىلەر تىزىمدەرىنەن تەلەفون ءنومىرىن ىزدەۋ كەرەك.
iOS جۇيەسىنە ارنالعان WhatsApp جەلىسىن پايدالانعان كەزدە چاتتار تىزىمىندەگى "جاڭا چاتتى باستاۋ" تۇيمەسىن باسىپ، ىزدەۋ جولاعىنا بەلگىسىز تەلەفون ءنومىرىن ەنگىزۋ كەرەك.
ەگەر كونتاكت WhatsApp جەلىسىندە بولسا، ونىمەن چات اشۋعا بولادى. بۇل مۇمكىندىك iOS قولدانباسىنا عانا ءتان بولماعاندىقتان، Android پايدالانۋشىلارى بەلگىسىز تەلەفون نومىرلەرى بار چاتتى جىلدام تابۋ جانە اشۋ ءۇشىن ءدال وسىنداي قادامداردى ورىنداي الادى.
قولدانۋشىلار بەلگىسىز نومىرلەردەن قوڭىراۋلار العان كەزدە كونتاكتىلەردى مەكەن-جاي كىتابىنا ساقتايدى، وسىلايشا ولاردى WhatsApp پروفيل سۋرەتى ارقىلى انىقتاۋعا بولادى، ءبىراق كەيىنىرەك بۇل كونتاكتىلەردى جويۋدى ۇمىتىپ كەتۋى مۇمكىن.