ساۋدا ورتالىعىنا كوپ ادام جينالعان ۆيدەو Instagram-داعى پاراقشالاردىڭ بىرىندە جاريالاندى.
قالالىق ىشكى ىستەر باسقارماسىنىڭ حابارلاۋىنشا، ساۋدا ورتالىقتارىنىڭ بىرىندەگى كينوتەاتردىڭ اۋماعىندا جارىلعىش زات بار دەگەن حابار ساعات 16:25-تە تۇسكەن، دەپ حابارلايدى Almaty-akshamy.kz
"وسىنداي حابارلامالارعا دەن قويۋ الگوريتمىنە سايكەس، قالانىڭ توتەنشە جانە جەدەل قىزمەتتەرى نىسانعا تارتىلدى. ساپەر بولىمشەلەرى كوميسسيالىق تەكسەرۋ جۇرگىزدى. جارىلعىش زات تابىلمادى"، - دەدى الماتى پوليسيا دەپارتامەنتىنىڭ باسپا ءسوز قىزمەتى.
پوليسيا ءقازىر ءاتى-جونى بەلگىسىز تۇلعانىڭ جەكە باسى انىقتالىپ جاتقانىن، ول ق ر قىلمىستىق كودەكسiءنىڭ 273-بابى بويىنشا قىلمىستىق جاۋاپكەرشىلىككە تارتىلاتىنىن اتاپ ءوتتى.