سەمسەرلەسۋدەن ۇلتتىق قۇراما قولا جۇلدەگە يە بولدى
سەمسەرلەسۋدەن قازاقستان ەرلەر قۇراماسى قىتايدىڭ حانچجوۋ قالاسىندا ءوتىپ جاتقان ءحىح جازعى ازيا ويىندارىنىڭ قولا جۇلدەگەرى اتاندى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ۇلتتىق قۇراما جارتىلاي فينالدا الدىڭعى ازيادانىڭ جەڭىمپازى وڭتۇستىك كورەياعا 45-41 ەسەبىمەن جول بەردى.
ارتەم ساركيسيان، ءراحمانالى مۇحامەدالى، ساتتارحان نازاربايەۆ، جانات نابييەۆ كۆارتەتى ىرىكتەۋدە نەپال قۇراماسىن ايقىن باسىمدىقپەن (45-15) ۇتقان. سوسىن، شيرەك فينالدا كۋۆەيت قۇراماسىنان (45-43) باسىم ءتۇستى.
بۇل قازاقستان دەلەگاسياسىنىڭ قىتايداعى ويىنداردا قول جەتكىزگەن 14-جۇلدەسى. ونىڭ بىرەۋى التىن، ەكەۋى كۇمىس، قالعانى قولا.