2024 جىلعى 8 قىركۇيەك پەن 20 قازان ارالىعىندا سوتتالۋشى ك. "WhatsApp" ءموبيلدى قوسىمشاسى ارقىلى م.-عا ماتىندىك جانە اۋديو حابارلامالار جىبەرگەن.
وندا بەيادەپ سوزدەر ايتىپ، سوڭعىسىن ادەپسىز تۇردە قورلاپ، وسىلايشا ونىڭ ار-نامىسى مەن قادىر-قاسيەتىنە نۇقسان كەلتىرگەن، دەپ حابارلايدى aqshamnews.kz.
جەكە ايىپتاۋشى م. ايىپتاۋدى قولداپ، سانكسيا اياسىندا جازا تاعايىنداۋدى سۇرادى.
سونداي-اق، جەكە ايىپتاۋشى سوتتالۋشى ك.-دان مورالدىق زياندى وتەۋ ەسەبىنە 150 000 تەڭگە، وكىلدىك شىعىستارىنا 250 000 تەڭگە مولشەرىندە، سونداي-اق پسيحولوگيالىق-فيلولوگيالىق ساراپتاما جۇرگىزۋگە 130 000 تەڭگە مولشەرىندە ءىس جۇرگىزۋ شىعىندارىن ءوندىرىپ الۋدى سۇرادى.
قك 131-بابى 1-بولىگىنىڭ سانكسياسى 100 اەك-كە دەيiنگi مولشەردە ايىپپۇل سالۋ نە سول مولشەردە تۇزەۋ جۇمىستارى نە 120 ساعاتقا دەيىنگى مەرزىمگە قوعامدىق جۇمىستارعا تارتۋ تۇرىندەگى جازانى كوزدەيدى.
سوت سوتتالۋشىنىڭ شىن جۇرەكتەن وكىنۋىن جانە ونىڭ جاس بالاسىنىڭ بولۋىن قىلمىستىق جاۋاپكەرشىلىك پەن جازانى جەڭىلدەتەتىن ءمان-جايلار رەتىندە تانىدى.
جەڭىلدەتەتىن ءمان-جايلاردى ەسكەرە وتىرىپ، سوت ك.-نى قك 131-بابىنىڭ 1-بولىگى بويىنشا كىنالى دەپ تانىپ، وعان 20 اەك مولشەرىندە (73 840 تەڭگە سوماسىندا) ايىپپۇل تۇرىندە جازا تاعايىندادى.
سونداي-اق سوتتالعان ك.-دان جابىرلەنۋشىنىڭ پايداسىنا مورالدىق زياندى وتەۋ ەسەبىنە 100 000 تەڭگە، وكىلدىك شىعىستارىنا 250 000 تەڭگە، ساراپتاما جۇرگىزۋگە 130 000 تەڭگە مولشەرىندە شىعىستار ءوندىرىلدى.
سوت ۇكىمى زاڭدى كۇشىنە ەنگەن جوق.