Fitch Ratings حالىقارالىق رەيتينگتىك اگەنتتىگى «الماتى» الەۋمەتتىك-كاسىپكەرلىك كورپوراسياسى» اق («الماتى» اكك) ەميتەنتتىڭ ۇزاق مەرزىمدى دەفولت رەيتينگىن (ەدر) «تۇراقتى» بولجامىمەن «BBB-» دەڭگەيىندە شەتەل جانە ۇلتتىق ۆاليۋتادا راستادى، دەپ حابارلايدى aqshamnews.kz
ينۆەستيسيالىق ساناتقا جاتاتىن «BBB-» رەيتينگى كومپانيانىڭ نەسيەلىك قابىلەتتىلىگىنىڭ جەتكىلىكتى دەڭگەيىن جانە نەسيەلىك تاۋەكەلدەر بويىنشا تومەن ۇمىتتەردى كورسەتەدى.
رەيتينگتى راستاۋ كورپوراسيانىڭ مەگاپوليستىڭ الەۋمەتتىك-ەكونوميكالىق دامۋىنداعى ءتۇيىندى ءرولىن ەسكەرە وتىرىپ، قالا تاراپىنان «الماتى» اكك-نى توتەنشە قولداۋدىڭ «اسا جوعارى» ىقتيمالدىعى تۋرالى Fitch پىكىرىن كورسەتەدى. ورتا مەرزىمدى پەرسپەكتيۆادا رەيتينگتىك اگەنتتىك بۇل قاتىناستاردىڭ وزگەرۋىن كۇتپەيدى.
«الماتى» اكك جەرگىلىكتى ميكرو، شاعىن جانە ورتا بيزنەستى قارجىلاندىرۋدى، ەسكى تۇرعىن ءۇيدى جاڭارتۋدى، يندۋستريالىق ايماقتى دامىتۋدى، سونداي-اق الەۋمەتتىك ماڭىزى بار ازىق-تۇلىك تاۋارلارىنا باعانى تۇراقتاندىرۋدى قوسا العاندا، قالا ءۇشىن باسىم الەۋمەتتىك ماڭىزى بار جانە ينۆەستيسيالىق جوبالاردى ىسكە اسىراتىن قالانى دامىتۋدىڭ ءىرى ينستيتۋتى بولىپ قالا بەرەدى.
Fitch «الماتى» اكك فۋنكسيالارىن ورىنداۋعا قابىلەتتى ۇقساس ۇيىمداردىڭ جوقتىعىن اتاپ وتەدى، بۇل كورپوراسيانىڭ قالا ءۇشىن ستراتەگيالىق ماڭىزدىلىعىن ارتتىرادى.
قازىرگى ۋاقىتتا «الماتى» اكك حالىقارالىق كرەديتتىك رەيتينگكە يە قازاقستاننىڭ جالعىز الەۋمەتتىك-كاسىپكەرلىك كورپوراسياسى بولىپ قالا بەرەدى.