رەسمي مالىمدەمەنى WBA ءوزىنىڭ رەسمي سايتىندا جاسادى
بۇكىلالەمدىك بوكس اسسوسياسياسى (WBA) مەكسيكالىق ساۋل "كانەلو" الۆارەسكە (57-2-2، 39 كو) قازاقستاندىق گەنناديي گولوۆكينمەن (42-1-1، 37 كو) وتەتىن كەزدەسۋدە چەمپيوندىق بەلبەۋدى قورعاۋعا رۇقسات ەتتى، دەپ حابارلايدى Almaty-akshamy.kz Vesti.kz-كە سىلتەمە جاساپ.
رەسمي مالىمدەمەنى WBA ءوزىنىڭ رەسمي سايتىندا جاسادى. سونداي-اق الداعى كەزدەسۋدە مەكسيكالىق بوكسشى WBC، WBO جانە IBF بەلبەۋلەرىن قورعايدى.
وسىلايشا، ادەتتە ورتا سالماقتا ونەر كورسەتەتىن گولوۆكين بۇل ايقاستا جەڭىسكە جەتسە، ەكىنشى ورتا سالماقتا الەمنىڭ ابسوليۋت چەمپيونى اتانادى.
ەسكە سالايىق، بۇل كەزدەسۋ 17 قىركۇيەكتە وتەدى. جەكپە-جەكتىڭ ناقتى قايدا وتەتىنى ءالى بەلگىسىز.