اليمەنت تولەمەي جۇرگەن ءۇش ادام قىلمىستىق جاۋاپكەرشىلىككە تارتىلدى

12 بورىشكەرگە قاتىستى سوتقا دەيىنگى تەرگەۋ باستالدى

قوستانايدى 3 بورىشكەرلەر بالالارىنا 6،8 ميلليون تەڭگە سوماسىندا اليمەنت تولەمەگەن، دەپ حابارلايدى Almaty-akshamy.kz.
«مىسالى، ازامات ك. بەس جىل بويىنا ءۇش اليمەنت تولەمەي، قاشىپ جۇرگەن، ونىڭ قارىزى 3،8 ملن تەڭگەنى قۇرادى. سوتقا دەيىنگى تەرگەۋ بارىسىندا بورىشكەر كىناسىن ءتۇسىنىپ، 120 مىڭ تەڭگەنى وتەپ، رەسمي تۇردە جۇمىسقا ورنالاسىپ، اي سايىن تولەم جاساپ ءجۇر. تاعى ءبىر مىسال، 2022 جىلدىڭ 6 مامىرىنان باستاپ سوت ءتورت جىل بويى قىزىنا اليمەنت تولەمەي جۇرگەن ازامات س-عا قاتىستى قىلمىستىق ءىستى قاراستىرىپ جاتىر. ونىڭ قارىزى 1،8 ملن تەڭگەنى قۇرادى. بورىشكەر اليمەنت تولەمەگەنى ءۇشىن قايتادان قىلمىستىق جاۋاپكەرشىلىككە تارتىلىپ، زياندى بورىشكەرلەر تىزىلىمىنە ەنگىزىلدى»،-دەلىنگەن قوستاناي وبلىسى پروكۋراتۋراسى تاراتقان مالىمەتتە.

قالا پروكۋراتۋراسىنىڭ باستاماسى بويىنشا جىل باسىنان بەرى 28 بالاعا اليمەنت تولەمەي جۇرگەن 12 بورىشكەرگە قاتىستى سوتقا دەيىنگى تەرگەۋ باستالدى، سوت شەشىمىن ورىنداماعانى ءۇشىن 18 بورىشكەر اكىمشىلىك جاۋاپكەرشىلىككە تارتىلدى، ونىڭ جەتەۋى جەتى تاۋلىككە دەيىنگى مەرزىمگە قاماۋعا الىندى، قالعاندارىنا جالپى سوماسى 170 مىڭ تەڭگە كولەمىندە ايىپپۇل سالىندى. سونداي-اق، التى بورىشكەر جۇمىسقا ورنالاستىرىلىپ، 18،5 ملن تەڭگەگە اليمەنت ءوندىرىپ الىندى.