جولداۋدى قولداۋ
قازاق ءتىلىن دامىتۋ ق ر مەملەكەتتىك ساياساتىنىڭ ءالى دە باسىم باعىتتارىنىڭ ءبىرى بولىپ وتىر.
پرەزيدەنت قاسىم-جومارت توقايەۆ ءوزىنىڭ قازاقستان حالقىنا ارناعان جولداۋىندا ءبىزدىڭ باستى يگىلىگىمىز ەلىمىزدىڭ حالقى، ونىڭ بىرلىگى مەن ىنتىماقتاستىعى ەكەنىن اتاپ ءوتتى. «جەتىسۋ كازاكتارى وداعى» ايماقتىق قوعامدىق ۇيىمىنىڭ ءتوراعاسى ۆلاديمير شيحوتوۆ اتالعان تەزيستىڭ ماڭىزدىلىعىن ءتۇسىندىردى، دەپ حابارلايدى Almaty-akshamy.kz.
«پرەزيدەنت بىزگە، قازاقستاندىقتارعا، ەل حالقىنىڭ بىرلىگىن نىعايتا ءتۇسۋ قاجەتتىگىن ەرەكشە اتاپ ءوتتى. قازاقستان حالقى اسسامبلەياسىنىڭ مۇشەسى رەتىندە بۇل تەزيستىڭ ماڭىزدىلىعىن ەرەكشە اتاپ وتكىم كەلەدى. ونىڭ ءمانى مىنادا: ءبىزدىڭ ءارقايسىمىز ءبىرتۇتاس قازاقستاندىق قوعامنىڭ ءبىر بولىگىمىز جانە ءبىز وسىنى ەشقاشان ۇمىتپاۋىمىز كەرەك. ءبىز ءارالۋانبىز، ءبىراق ءبىرتۇتاسپىز»، - دەدى ۆلاديمير شيحوتوۆ.
«جەتىسۋ كازاكتارى» اقۇ باسشىسى قازاقستان حالقىنىڭ مادەنيەتى، قازاق، ورىس جانە باسقا دا تىلدەرى ءبىزدىڭ ورتاق يگىلىگىمىز ەكەندىگىن ايتتى.
«پرەزيدەنت ورىس ءتىلىنىڭ رەسمي مارتەبەگە يە ەكەندىگىن ەسكە سالدى جانە ونى ەستەن شىعارماعان ءجون. سوعان قاراماستان، مەملەكەت باسشىسى مەملەكەتتىك ءتىل – قازاق ءتىلىن ۇيرەنۋگە شاقىردى. قازاقستان حالقىنىڭ ءتىلى، ەتنوستاردىڭ ءسالت-داستۇرى – قازاقستاندىق قوعامدى نىعايتاتىن ورتاق مادەنيەتىمىز»، - دەپ اتاپ ءوتتى قحا مۇشەسى.
سپيكەر وسى قۇندىلىقتاردى نەگىزگە الا وتىرىپ، وسكەلەڭ ۇرپاقتى تاربيەلەۋ جولىندا پرەزيدەنت ايتقان اسا ماڭىزدى مىندەتتەردى جۇزەگە اسىرۋعا ءاربىر ادامنىڭ قاتىسۋى كەرەكتىگىنە سەنىمدى.
«مەملەكەت باسشىسى جاستار ساياساتىن دامىتۋدىڭ ماڭىزدىلىعىن اتاپ ءوتتى. جاستارىمىز ءبىزدىڭ قوعامنىڭ قۇندىلىقتارىن سىڭىرە وتىرىپ، ولاردى دامىتىپ، نىعايتۋلارى قاجەت. پرەزيدەنتتىڭ بيىلعى جولداۋىندا ەكونوميكانىڭ، الەۋمەتتىك جانە قوعامدىق دامۋدىڭ ماڭىزدى باعىتتارى قامتىلعان. مەملەكەت باسشىسى ماڭىزدى مىندەتتەردى شەشۋ ءۇشىن بىزدە بارلىق قاجەتتى رەسۋرستار بار ەكەنىن اتاپ ءوتتى. ءبىز، بارلىق قازاقستاندىقتار، جاسىمىزعا، ۇلتىمىزعا قاراماستان، پرەزيدەنتىمىز قويعان مىندەتتەردى ورىنداۋعا قاتىسۋى كەرەك. تەك جۇيەلى جوسپارلى جۇمىس قانا بىزگە العا قويىلعان ماقساتتارعا قول جەتكىزۋگە مۇمكىندىك بەرەدى»، - دەپ تۇيىندەدى «جاڭعىرۋ جولى» رەسپۋبليكالىق جاستار قوزعالىسىنىڭ تەڭ ءتوراعاسى.
ەستەرىڭىزگە سالا كەتەيىك، كۇنى كەشە پارلامەنت پالاتالارىنىڭ كەزەكتى وتىرىسىندا ق ر پرەزيدەنتى قاسىم-جومارت توقايەۆ قازاقستان حالقىنا ارنالعان جىل سايىنعى جولداۋىن جاريالادى.