«قازاقستان پرەزيدەنتى قاسىم-جومارت توقايەۆتىڭ كەزەكتى جولداۋىندا ەلىمىزدىڭ الەۋمەتتىك-ەكونوميكالىق دامۋىنىڭ باسىم ماقساتتارى ايتىلدى. مەملەكەت باسشىسى رەسپۋبليكانى دامىتۋدىڭ ءاربىر سالاسى تۋرالى ەگجەي-تەگجەيلى ايتتى.
اتاپ ايتار بولساق، بۇگىندە بۇكىل الەم ءۇشىن وزەكتى بولىپ وتىرعان دەنساۋلىق جايىنا ەرەكشە توقتالدى. ەلدەگى دەنساۋلىق ساقتاۋ جۇيەسىن جاقسارتۋ بويىنشا ءبىرقاتار تاپسىرمالار بەرىلدى. بۇل تاقىرىپ، وكىنىشكە قاراي، ءالى دە تولىعىمەن ءبارىمىز جەڭە الماي وتىرعان كوروناۆيرۋس پاندەمياسى كەزىندە اسا ماڭىزدى»، - دەيدى «ۆايناح» ەتنومادەني ورتالىعىنىڭ ءتوراعاسى ادام بويسايەۆ.
سپيكەر جولداۋدا ءبىلىم سالاسىن دامىتۋ مەن قولداۋعا قاتىستى ايتىلعانداردىڭ ماڭىزى زور ەكەندىگىن اتاپ ءوتتى. سەبەبى، سپيكەردىڭ سوزىنشە، بۇگىنگى وقۋشىلار مەن ستۋدەنتتەر – ەرتەڭگى ەلىمىزدىڭ بولاشاعى. «ءبىزدىڭ مەملەكەتىمىزدەگى ءومىر ساپاسى، ەلدىڭ دامۋى جاستاردىڭ قانداي ءبىلىم الاتىنىنا بايلانىستى»،- دەپ سانايدى ادام بويسايەۆ.
«سونىمەن قاتار، پرەزيدەنت ءوزىنىڭ بايانداماسىندا ەڭبەكاقى تولەمىن قايتا قاراۋ جانە جالاقىنى ۇلعايتۋ سىندى ماڭىزدى تاقىرىپتى كوتەردى. وسى ارقىلى مەملەكەت باسشىسى ازاماتتاردىڭ ءال-اۋقاتىن جاقسارتۋعا نيەتتى ەكەنىن بىلۋگە بولادى. بۇل كوپ نارسەنى اڭعارتادى.
جالپى، جولداۋدا بولاشاقتىڭ يگىلىگى ءۇشىن ءبىزدىڭ مەملەكەتىمىزدى دامىتۋدىڭ بارلىق ماڭىزدى ماسەلەلەرى ايتىلدى»، - دەيدى «ۆايناح» شەشەن ەتنومادەني ورتالىعىنىڭ ءتوراعاسى ادام بويسايەۆ.
ادام بويسايەۆتىڭ ايتۋىنشا، قازاقستان حالقى پرەزيدەنتتىڭ العا قويعان مىندەتتەرىن ورىنداۋعا بەيجاي قاراماي، بەلسەندى تۇردە قاتىسۋى قاجەت.