قازىبەك شايح، «ق ر ۇلتتىق كووپەراتيۆتەر جانە ەكونوميكالىق قوعامداستىقتاردىڭ باسقا دا نىساندارى قاۋىمداستىعى» زتب پرەزيدەنتى: جولداۋداعى ءاربىر باستامانى قولدايمىن

مەملەكەت باسشىسى قاسىم-جومارت كەمەل ۇلى توقايەۆ ءوزىنىڭ كەزەكتى جولداۋىندا تالايدىڭ كوكەيىن مازالاپ جۇرگەن سۇراقتارعا جاۋاپ بەردى. ول ءوز سوزىندە ەلدىڭ الداعى الەۋمەتتىك-ەكونوميكالىق دامۋىنىڭ باسىم باعىتتارى تۋرالى تارقاتىپ ايتتى. ءار وتباسىنىڭ ماتەريالدىق جاعدايى ەل ەكونوميكاسىنا اسەر ەتەتىندىكتەن، حالىقتىڭ الەۋمەتتىك جاعدايىن ءبىرىنشى ورىنعا قويىپ وتىر. وسى ورايدا ءارتۇرلى الەۋمەتتىك كومەكتەردىڭ قاراستىرىلۋى، مەملەكەتتىك قىزمەتكەرلەردىڭ جالاقىسىن كوتەرۋى، جۇمىسپەن قامتاماسىز ەتۋ شارالارى، تۇرعىن ءۇي ماسەلەسى سياقتى ءبىرقاتار جۇمىستار نازارعا الىندى. 2022 جىلدىڭ قاڭتارىنان باستاپ ەڭ تومەنگى جالاقى مولشەرىنىڭ وزگەرەتىنىن ايتتى. سونىڭ ىشىندە مادەنيەت، مۇراعات، قورىقشىلار، كولىك جۇرگىزۋشىلەر مەن تەحنيكالىق جانە وسى ساناتتاعى مامان يەلەرىنىڭ جالاقىسى 20%-عا ارتاتىنى وتە ورىندى. سونىمەن قاتار، پرەزيدەنتىمىز بارلىق ماقساتقا تەك ۇلتارالىق دوستىق پەن ءبىرتۇتاستىق ارقىلى عانا جەتە الاتىنىمىزدى تىلگە تيەك ەتتى. قازىرگى قوعامدا مەملەكەتتىك تۇتاستىق پەن ساياسي تۇراقتىلىق وتە وزەكتى ماسەلە بولىپ وتىر. سوندىقتان ءبارىمىز «ءبىر جاعادان باس، ءبىر جەڭنەن قول شىعارىپ»، بولاشاققا بەتتەۋىمىز كەرەك. پرەزيدەنتىمىزدىڭ كەزەكتى جولداۋىنداعى ءاربىر باستامانى قولدايمىن. ەپيداحۋالدىڭ كۇردەلىلىگىنە قاراماستان، الەۋمەتتىك-ەكونوميكالىق دامۋدى باستى نازارعا قويۋۋى – كورەگەندىلىكتىڭ بەلگىسى.