ىنتىماقتاستىعىمىزدى ودان ءارى بىرگە ىلگەرىلەتە بەرەمىز.
قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قاسىم-جومارت توقايەۆتىڭ اتىنا رەسەي فەدەراسياسىنىڭ پرەزيدەنتى ۆلاديمير ءپۋتيننىڭ قۇتتىقتاۋ جەدەلحاتى كەلىپ ءتۇستى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«ءسىز وتانداستارىڭىزدىڭ زور سەنىمىنە يە بولدىڭىز. بۇل سەنىم مانداتى مەملەكەتتى دامىتۋعا باعىتتالعان ءسىزدىڭ باستامالارىڭىزدى جۇزەگە اسىرۋعا جاڭا مۇمكىندىكتەر بەرەدى. ەلدەرىمىز اراسىنداعى ءداستۇرلى دوستىققا، تاتۋ كورشىلىك قارىم-قاتىناسقا جانە ءوزارا قۇرمەتكە نەگىزدەلگەن ستراتەگيالىق سەرىكتەستىك پەن وداقتاستىق تابىستى دامىپ كەلەدى. ىنتىماقتاستىعىمىزدى ودان ءارى بىرگە ىلگەرىلەتە بەرەمىز»، – دەپ جازىلعان جەدەلحاتتا.