ەلىمىز 6 727 قونىس اۋدارۋشىعا كۆوتا بەرۋى مۇمكىن.
ەڭبەك مينيسترلىگى «قانداستار مەن قونىس اۋدارۋشىلاردى قابىلداۋدىڭ 2023 جىلعا ارنالعان وڭىرلىك كۆوتاسىن بەلگىلەۋ تۋرالى» بۇيرىعىن جاريالادى، دەپ حابارلايدى Almaty-akshamy.kz.
اشىق تالقىعا شىعارىلعان قۇجاتقا ساي، 2023 جىلى قازاقستان وڭىرلەرى 1 925 قانداستى قابىلداماق. سونىمەن قاتار، ەلىمىز 6 727 قونىس اۋدارۋشىعا كۆوتا بەرۋى مۇمكىن.
ايتا كەتەيىك، بيىل ەل ۇكىمەتى ەلگە ورالۋعا نيەتتى قانداستار ءۇشىن - 1 499 كۆوتا، ال قونىس اۋدارۋشىلارعا 6 587 كۆوتا بولگەن ەدى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ بۇيرىعىن اشىق تالقىلاۋ 5 جەلتوقسانعا دەيىن جالعاسادى.