ۆيسە-پرەمەر سەرىك جۇمانعارين الماتى زاۋىتتارىن ارالادى

قالانىڭ كاسىپكەرلەرىمەن، تۇرعىندارىمەن كەزدەستى.

ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى سەرىك جۇمانعارين الماتى قالاسىنا جۇمىس ساپارىمەن بارىپ، الەۋمەتتىك ماڭىزى بار ازىق-تۇلىك شىعاراتىن زاۋىتتاردىڭ جۇمىسىمەن تانىستى، دەپ حابارلايدى Almaty-akshamy.kz Primeminister.kz سىلتەمە جاساپ.

جۇمىس ساپارى بارىسىندا سەرىك جۇمانعارين «Eurasian Foods Corporation» زاۋىتىنا باردى. بۇل زاۋىت - قازاقستان مەن ورتالىق ازيا ەلدەرىندەگى تاماق ونەركاسىبىنىڭ ءىرى جانە ماڭىزدى كاسىپورىندارىنىڭ ءبىرى. زاۋىت جىلىنا 150 000 توننادان استام سۇيىق ماي وندىرەدى.

بۇگىندە «Eurasian Foods Corporation» 3 مىڭنان استام ادامدى جۇمىسپەن قامتىپ وتىر.

ۆيسە-پرەمەر جۇمىس ساپارى اياسىندا قالانىڭ كاسىپكەرلەرىمەن، تۇرعىندارىمەن كەزدەستى. ەكسپورتقا دەن قويعاندار اراسىندا مەملەكەتتەن ءتيىستى كومەك الا الماي ءجۇرمىز دەگەندەر بولدى. بۇل ماسەلەنى شەشۋ ماقساتىندا سەرىك جۇمانعارين ساۋدا مينيسترلىگىنە قاراستى «QazTrade» ساۋدا ساياساتىن دامىتۋ ورتالىعىنا شارا قابىلداۋدى تاپسىردى.

«ەكسپورتتاۋشىلاردى قولداۋدىڭ بىرنەشە تەتىگى بار. سونىڭ ءبىرى - «QazTrade» ساۋدا ساياساتىن دامىتۋ ورتالىعى ارقىلى. ەكسپورتتاۋشىلاردىڭ شىعىندارىن وتەۋگە قاتىستى سىزدەردە الداعى ۋاقىتتا پروبلەما بولماس ءۇشىن تۇسىندىرمە جۇمىستارىن كۇشەيتەمىز»، دەدى سەرىك جۇمانعارين.

ءىس-ساپار بارىسىندا ۆيسە-مينيستر ازاماتتاردى جەكە قابىلدادى. تۇرعىندار بازاردى جاڭعىرتۋ، زارداپ شەككەن بيزنەسكە كومەك كورسەتۋ ماسەلەلەرىن قوزعادى.