اتالعان شاراعا كەز كەلگەن ادام قاتىسا الادى.
الماتىدا 2022 جىلعى 11 قىركۇيەكتە قولدان جاسالعان بوليدتەرگە ارنالعان Red Bull Soapbox Race جارىسى وتەدى، دەپ حابارلايدى Almaty-akshamy.kz Almaty.tv سىلتەمە جاساپ.
اتالعان شاراعا كەز كەلگەن ادام قاتىسا الادى. Red Bull Soapbox Race جارىسىنا ءۇش نارسە جول اشادى، ولار: بىرىلىگى جاراسقان كوماندا، كورنەكتى بوليد، جەڭىسكە جەتەلەيتىن جىگەر. بەس ادامنان تۇراتىن كوماندا جيناپ، بوليد كونسترۋكسياسىن قۇراستىرىپ، كوماندانى ەرەكشە ەتىپ تانىستىرۋعا بولادى. ءبوليدتى قۇراستىرۋ ىسىندە قاتىسۋشىلارعا تولىق ەركىندىك بەرىلەدى. تەك مىنانى ەستە ساقتاۋ قاجەت: جارىس كولىگىنە پەدال مەن قوزعالتقىش ورناتۋعا بولمايدى جانە سالماعى 80 كەلىدەن، ال گاباريتى بويىنشا – ۇزىندىعى ءتورت، ەنى ەكى مەتردەن اسپاۋى ءتيىس. اتالعان شارتتار ورىندالماسا، تەحبايقاۋدان وتە الماي قالۋ مۇمكىن.
باستى مىندەت – جارىس جولىنان ءوتىپ، مارەگە جەتۋ. ءتىپتى بوليد جارىس جولىندا جايسىزدىققا ۇشىراسا دا، ەشتەڭەگە قاراماي، ەرىك-جىگەردى جانىپ، مارە سىزىعىنا دەيىن جەتۋ كەرەك. جەڭىمپازدى انىقتايتىن ءۇش ولشەمتارتتىڭ ءبىرى – جىلدامدىق.
قازاقستاندا جوبا 2017 جىلى باستالدى، ول كەزدە الماتىدا العاشقى جارىس ءوتتى. 2019 جىلى جارىسۋشىلار قايتا جينالدى. بيىل Red Bull Soapbox Race ءۇشىنشى رەت وتەدى.
ءىس-شاراعا تىركەۋ اشىق بولىپ تابىلادى جانە ءىس-شارا باستالعان كۇنى باستالاتىن ايماقتا جۇرگىزىلەدى. ءىس-شارادا قاۋىپسىزدىك جەدەل مەديسينالىق جاردەم كولىكتەرىنىڭ، ەرىكتىلەردىڭ، تجد جانە پوليسيا كولىكتەرىنىڭ كەزەكشىلىگىمەن قامتاماسىز ەتىلەدى. باستاپقى، مارە قالاشىقتارداعى، سونداي-اق، تراسساداعى تازالىقتى قالا قىزمەتتەرى قامتاماسىز ەتەدى.
جارىس دوستىق داڭعىلى مەن ساتبايەۆ كوشەسىنىڭ قيىلىسىندا وتەدى، ساعات 12:00-دە باستالادى.
بوليد جارىسىنىڭ وتۋىنە بايلانىستى 9 قىركۇيەكتە ساعات 22:30-دان؛ 12 قىركۇيەكتە ساعات 03:00-گە دەيىن كولىك قوزعالىسى مىنا جەرلەردە ۋاقىتشا توقتاتىلادى:
- دوستىق كوشەسىنىڭ سولتۇستىك باعىتىندا ساتپايەۆ كوشەسىنەن اباي داڭعىلىنا دەيىن،
- وڭتۇستىك باعىتتا دوستىق كوشەسىمەن اباي داڭعىلىنان ساتپايەۆ كوشەسىنە دەيىن،
- ساتبايەۆ كوشەسىمەن دوستىق داڭعىلىنان ءۋاليحانوۆ كوشەسىنە دەيىن باتىس باعىتتا.