الماتى قالاسى مەملەكەتتىك مۇراعاتىنىڭ قىزمەتكەرلەرى: "ءبىز كوروناۆيرۋسپەن كۇرەستى كۇش بىرىكتىرىپ كۇشەيتۋىمىز كەرەك"
وتكەن اپتادا الماتىدا كوروناۆيرۋس دەرتى 1،7 ەسە ءوستى. بۇل قالادا تارالعان “دەلتا” جاڭا شتاممدارعا بايلانىستى. اۋرۋ جۇقتىرماۋدىڭ جالعىز جولى ۆاكسينا الۋ. سوندىقتان قالاداعى كوپتەگەن ۇيىمداردىڭ ۇجىمدارى كوروناۆيرۋسقا قارسى ەكپە الدى. سونداي-اق كۆي-دەن ۇجىمدىق يممۋنيتەتتى قالىپتاستىرۋ ءۇشىن باسقا قالا تۇرعىندارى دا ەكپە العاندارى ءجون.
كوروناۆيرۋستىق ىندەت كەزىندە كوپتەگەن قىزمەت سالالارى ءۇشىن قيىن بولدى، ولار ونلاين فورماتتا جۇمىس ىستەدى. الماتى قالاسىنىڭ مەملەكەتتىك ءارحيۆىنىڭ قىزمەتكەرلەرى لوكداۋندار كەزىندە كاسىبي قىزمەتتە قيىندىقتار بولعانىن ايتتى. سەبەبى ولاردىڭ جۇمىسى قاعاز تۇرىندەگى قۇجاتتارمەن بايلانىستى.
الماتى قالاسى مەملەكەتتىك مۇراعاتىنىڭ قۇجاتتاردى عىلىمي پايدالانۋ ءبولىمىنىڭ باسشىسى اقايەۆا عاليا اتيباي قىزى ءوزى كوروناۆيرۋسپەن اۋىرماعان. ءبىراق ونىڭ دوستارى، تانىستارى مەن تۋىستارىنىڭ اراسىندا اۋىرعاندار بولعانىن ايتتى.
"دارىگەرلەردىڭ ۇيلەسىمدى جۇمىسىنىڭ ارقاسىندا ولار ءقازىر ساۋ ءارى دارىگەرلەردىڭ ەڭبەكتەرىنە ريزا"، – دەدى.
ع. اقايەۆا لوكداۋن كەزىندە باسسەينگە بارۋدىڭ جەتىسپەيتىنىن ايتتى. ويتكەنى، ىندەت باستالعان ساتتەن باستاپ سپورت نىساندارىنا بارۋعا رۇقسات بولمادى.
"مەن ۆاكسينا الدىم. ۆاكسينا الۋىمنىڭ بىرنەشە سەبەپتەرى بار. ەكپە سالعان سوڭ قوعامدىق ورىندارعا بارۋدان قورىقپايسىڭ. العاشقى كەزدە قورقىنىش بولدى، سەبەبى الەۋمەتتىك جەلىدە ۆاكسينا دەنساۋلىققا زيان تيگىزۋى مۇمكىن دەگەن حابارلاما وقىدىم. ونىڭ جالعان اقپارات ەكەنىن ءبىلدىم. مەن ەكپە پۋنكتىنە باردىم، الماتىنىڭ ءاربىر تۇرعىنى وسىلاي جاساۋى ءتيىس دەپ سانايمىن"، – دەيدى عاليا اتيباي قىزى.
ونىڭ ايتۋىنشا، ۆاكسينادان كەيىنگى كەيبىر جاناما اسەرلەر ءىس جۇزىندە دەنەنىڭ تابيعي رەاكسياسى ەكەنىن ايتتى. بالالار قانداي دا ءبىر ۆاكسينا العان كەزدە، ءدارى اسەر ەتەدى، ويتكەنى دەنە بەيىمدەلىپ، ۇيرەنۋى كەرەك.
عاليا اقايەۆا ۆاكسينا العاننان كەيىن دە حالىقتى بەلگىلى ءبىر ۋاقىت ىشىندە سانيتارلىق نورمالار مەن قاشىقتىقتى ساقتاۋعا شاقىردى.
"ۆيرۋس وتە ءقاۋىپتى ءارى ول تەز جويىلمايدى، ءبىراق ءبىز وعان قارسى كۇرەستى كۇش بىرىكتىرىپ كۇشەيتۋىمىز كەرەك"، – دەدى ول.
عاليا اقايەۆانىڭ ارىپتەسى، بايجومارتوۆا بوتا تۇراربەك قىزى الماتى قالاسى مەملەكەتتىك مۇراعاتىنىڭ ەسەپكە الۋ ءبولىمىنىڭ باسشىسى، ەكپەدەن كەيىن قانداي دا ءبىر جاعىمسىز سەزىمدەردىڭ پايدا بولۋى كەيدە ادامداردىڭ ءوزىن-وزى گيپنوزداۋىمەن بايلانىستى دەدى.
"ەگەر ءسىز ءوزىڭىزدى جامان نارسەگە دايىندايتىن بولساڭىز، وندا بۇل ورىن الادى. سوندىقتان كوروناۆيرۋستىق ۆاكسينادان قورىقپاڭىز، تەكسەرىلمەگەن اقپاراتقا سەنبەڭىز. ۆاكسينا مەنى ىندەت قاۋپىنەن قورعايدى ءارى دەنەدە جاعىمسىز رەاكسيالارى بولمايدى. ۆاكسينانىڭ ارقاسىندا كەز كەلگەن قالا تۇرعىنى ۆيرۋستىڭ تارالۋىن توقتاتۋعا كومەكتەسەدى"، – دەيدى بوتا تۇراربەك قىزى.
الماتى قالاسى مەملەكەتتىك مۇراعاتىنىڭ قىزمەتكەرلەرى ولاردىڭ اينالاسىنداعى ادامداردىڭ جارتىسىنان كوبى ەكپە العانىن ايتتى. عاليا اقايەۆا مەن بوتا بايجومارتوۆا ەگەر بولاشاقتا ۆاكسينالانعان ادام سانى ارتاتىن بولسا، وندا كوپ ۇزاماي ەشكىم قوناققا بارۋدان، سپورتپەن شۇعىلدانۋدان، دەمالىس ورىندارىنا بارۋدان قورىقپاي ءبارى ادەتتەگى ءومىر سالتىنا ورالا الادى دەدى.
ەسكە سالساق، اعىمداعى جىلدىڭ 1 اقپانى مەن 29 ماۋسىم ارالىعىندا الماتىدا 451 205 ادام ۆاكسينا الدى. وتكەن تاۋلىكتە 12 275 ادام ەكپە الدى. 60 جاستان جوعارى ۆاكسينا العاندار سانى 76 660 ادامدى قۇرايدى.
قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 208 ۆاكسينا پۋنكتتەرى جۇمىس ىستەيدى (250-گە دەيىن ۇلعايتۋ مۇمكىندىگىمەن). 1 256 ادام جۇمىلدىرىلعان 307 ەكپە بريگاداسى قىزمەت اتقارادى.