30 ماۋسىمدا وڭىرلىك كوممۋنيكاسيالار قىزمەتىنىڭ الاڭىندا الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ پەن Yandex.Cloud جشق باس ديرەكتورى ولەگ كوۆەرزنيەۆ ونلاين-رەجيمدە مەگاپوليس اۋماعىندا بۇلتتى تەحنولوگيالاردى دامىتۋ جونىندەگى كەلىسىمگە قول قويدى.
الماتى Yandex.Cloud-تىڭ جەرگىلىكتى بيلىك وكىلدەرىمەن ىنتىماقتاستىق بارىسىندا قالالىق قىزمەتتەردىڭ اتقاراتىن جۇمىستارىنىڭ تيىمدىلىگىن ارتتىراتىن العاشقى قالا بولىپ تابىلادى.
الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ اتاپ وتكەندەي، ىنتىماقتاستىق بارىسىندا قالا تۇرعىندارىنىڭ جەرگىلىكتى اتقارۋشى ورگاندار وكىلدەرىمەن ءوزارا ءىس-قيمىلدى جاقسارتۋ، سونداي-اق حالىققا كورسەتىلەتىن قىزمەتتەردىڭ تيىمدىلىگى مەن ساپاسىن ارتتىرۋ ءۇشىن جوبالاردى ىسكە اسىرۋ جوسپارلاندى.
بايان قوڭىربايەۆ قالانىڭ بايلانىس ورتالىقتارىنىڭ ءبىرىن روبوتتاندىرۋ جونىندە مىسال كەلتىردى.
«تۇسكەن قوڭىراۋلاردىڭ بارلىعى اۆتوماتتى تۇردە وڭدەلىپ،ءتيىستى قالا قىزمەتتەرىنە جىبەرىلەدى. مۇندا داۋىستى كومەكشىلەر دەپ اتالاتىندار قىزمەت اتقارادى. بۇل بايلانىس ورتالىقتارىنىڭ جۇمىستارىن جەڭىلدەتەدى"، – دەدى ب. قوڭىربايەۆ.
Yandex.Cloud جشق باس ديرەكتورى ولەگ كوۆەرزنيەۆ "داۋىستى كومەكشىلەر" جوباسى تانىمال "اليسا" كومەكشىسىنىڭ يدەياسىنا نەگىزدەلگەنىن، ءبىراق بۇل جاڭا مۇمكىندىگى بار باسقا ءونىم ەكەنىن ايتتى.
"داۋىستىق كومەكشىلەردىڭ ارقاسىندا كولل-ورتالىعىنداعى سۇراۋلار وڭدەلەتىن بولادى. بۇل جۇمىس ماسكەۋ قالاسىندا ىندەت كەزىندە قوڭىراۋلار كوپ بولعاندا سىنالدى. قوڭىراۋلاردىڭ ءبىر بولىگى روبوتتارمەن وڭدەلدى. داۋىستىق كومەكشىلەر ءبىرقاتار رەسەيلىك بانكتەرگە، رەسەي پوشتاسىنا بەيىمدەلگەن. بۇل تەحنولوگيالار الماتىدا دا ەنگىزىلەتىن بولادى"، – دەدى و. كوۆەرزنيەۆ.
الماتىدا "1308" قالالىق بايلانىس ورتالىعى اۆتوماتتاندىرىلدى. ال داۋىس كومەكشىلەرىن قازاقستاندىق ۇيالى بايلانىس وپەراتورلارى قولدانادى. بۇگىندە تەك ورىس تىلىندە قولدانىلادى، ءبىراق الداعى ايدا قازاق تىلىندە سويلەۋ جۇزەگە اسىرىلادى.
سونداي-اق كەلىسىمشارت Yandex.Cloud-تىڭ قالا اۋماعىندا ىسكە اسىرىلاتىن حاكاتوندار مەن كونكۋرستاردىڭ تەحنولوگيالىق سەرىكتەسى رەتىندە جانە جاساندى ينتەللەكت پەن ۇلكەن دەرەكتەر سالاسىنداعى پيلوتتىق پەن تەستتىك جوبالاردى قولداۋدى بىلدىرەدى.
"الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا ءبىز "اقىلدى قالا" باعدارلاماسىن جۇزەگە اسىرىپ جاتىرمىز. Yandex.Cloud پلاتفورماسىمەن كەلىسىمگە قول قويۋ ارقىلى ءبىز ۇزاق مەرزىمدى ىنتىماقتاستىق پەن تەحنولوگيالىق باستامالاردا وڭ ناتيجەگە قول جەتكىزۋگە ۇمىتتەنەمىز. سونداي-اق، الماتى تۇرعىندارى ءۇشىن سيفرلىق جوبالاردى ىسكە اسىرۋعا تەك بۇلتتى تەحنولوگيالاردى عانا ەمەس، ياندەكس كومپانياسىنىڭ باسقا دا ونىمدەرىن ۇسىنامىز. سونداي-اق ۇزدىك IT مامانداردىڭ 70%-دان استامى الماتىدا تۇرادى، ءبىزدىڭ مىندەتىمىز ولار ءۇشىن دامۋدىڭ بارلىق جاعدايىن جاساۋ"، – دەيدى الماتى قالاسى سيفرلاندىرۋ باسقارماسىنىڭ باسشىسى بايان قوڭىربايەۆ.
ورتا مەرزىمدى پەرسپەكتيۆادا دەنساۋلىق ساقتاۋ سالاسىنداعى باستامالار، ونىڭ ىشىندە مەديسينالىق كەسكىندەردى تالداۋ، وڭدەۋ مەن ساقتاۋ ءۇشىن مەديسينالىق شەشىمدەردى قولداۋ جۇيەلەرى بويىنشا ءارى دەرەكتەردى ساقتاۋ ءۇشىن ءبىرىڭعاي جۇيەنى قۇرۋ جونىندەگى ۇسىنىستار بولادى.
Yandex.Cloud جشق باس ديرەكتورى ولەگ كوۆەرزنيەۆ كومپانيانىڭ قولداۋى ارقاسىندا الماتىلىق كاسىپكەرلەر مەن ستارتاپتار وزدەرىنىڭ سيفرلىق ونىمدەرىن جاساي الاتىنىن ايتتى. “Yandex.Cloud” يدەيالارعا دا، جوبالاردى سۇيەمەلدەۋگە دە كومەكتەسەدى.
“بۇگىندە ءومىرىمىزدىڭ كەز كەلگەن سالاسىن سيفرلاندىرۋعا بولادى. ءبىزدىڭ پلاتفورما قالا تۇرعىندارىنا مۇمكىندىك بەرەدى. تەوريا جۇزىندە ەمەس، ءىس جۇزىندە ستارتاپتاردىڭ قانداي ونىمدەر جاساي الاتىندىعىن كورسەتۋ. ءبىزدىڭ پراكتيكالىق جۇمىس كەلىسىمشارتقا قول قويىلعانعا دەيىن باستالدى. ءارى قاراي ءبىز بۇكىل قازاقستان بىلەتىن ءساتتى مىسالدار مەن ناتيجەلى ىستەردى كۇتەمىز"، – دەدى ولەگ كوۆەرزنيەۆ.
Yandex.Cloud وكىلدەرى كوپتەگەن رەسەيلىك فارماسيەۆتيكالىق كومپانيالار مەن بانكتەردىڭ ءوز جۇيەلەرىن ىسكە اسىرۋعا قولداۋ كورسەتكەندەرىن ايتتى. مۇنداي تاجىريبە الماتىدا دا ەنگىزىلەتىن بولادى. قازاقستاندا ءقازىردىڭ وزىندە وڭ ناتيجەلەر بار. بۇگىندە ءبىرقاتار وتاندىق كومپانيالار ۆاكانسيالارعا ۇمىتكەرلەردى ىرىكتەۋ، وفيس قىزمەتكەرلەرىنىڭ جۇمىس ۋاقىتتارىن جۇيەلەۋ كەزىندە جاڭا تەحنولوگيالاردى قولدانۋدا.