الماتىلىق ۆەلوساياحاتشى انتاركتيدانى باعىندىرۋدى ارماندايدى.
تالعات جۇمابەكوۆ ەكى دوڭعالاقتى كولىگىمەن بۇعان دەيىن 49 ەلگە ساياحات جاساعان. ول تاعى 101 مەملەكەتتى ارالاۋدى جوسپارلاپ وتىر، - دەپ حابارلايدى اlmaty-akshamy.kz. كتك تەلەارناسىنا سىلتەمە جاساپ.
تالعات جۇمابەكوۆ ۆەلوسيپەدپەن ساياحاتتاۋ يدەياسى العاش رەت سەگىز جىل بۇرىن كەلگەن. ودان كەيىن مەككەگە بارىپ، قاجىلىق پارىزىن وتەۋدى جوسپارلادى. العاشىندا كيەلى مەكەنگە جاياۋ جەتكىسى كەلەدى، ءبىراق كەيىن جولدى ۆەلوسيپەدپەن كەسىپ ءوتۋدى ءجون كورەدى. مىسىرعا جەتەدى، ءبىراق بىردەن ساۋد ارابياسىنا ۆيزا الا المايدى. ءتورتىنشى ارەكەتىندە عانا تالعات جوسپارىن ورىنداي الدى.
ساياحاتشىنىڭ ايتۋىنشا، العاشقى ۆەلوساياحاتىنان كەيىن ول ساياحاتتىڭ بۇل تۇرىنە عاشىق بولىپ، ەندى توقتاي الماي وتىر.
"مەن وزىممەن كۇرەسۋ ءۇشىن وسى قيىندىقتاردىڭ بارلىعىن جەڭدىم. سودان تاندىك جانە مورالدىق ءلاززات الدىم. رۋحاني! مەنىڭ ساياحاتىمنىڭ اجىراماس بولىگى - رۋحاني ازىق الۋ، ادامدارمەن قارىم-قاتىناس"، - دەيدى تالعات جۇمابەكوۆ.
ەر ادامنىڭ ايتۋىنشا، ۆەلوسيپەد تەبۋ ونىڭ ءومىر سالتىنا اينالعان. ول 49 ەلدى ارالاپ ۇلگەردى. باستى ماقساتى – ەلىمىزدى تانىمال ەتۋ. سوندىقتان ول ۆەلوسيپەدىمەن قايدا جۇرسە دە قازاقستاننىڭ تۋى جەلبىرەتىپ جۇرەدى. ەر ادام شەتەلدىكتەرمەن ارالاسقاندى، ولاردىڭ مادەنيەتىمەن تانىسقاندى جانە قازاق مادەنيەتى تۋرالى سويلەسكەندى ۇناتادى. جولدا تەك جاقسى ادامدار كەزدەسەدى دەيدى. ولار كومەكتەسەدى، قوناققا شاقىرادى، داستارحان جايىپ، تۇندە تۇرۋدى قامتاماسىز ەتەدى.
ەندى تالعات جۇمابەكوۆ كولۋمبياعا ات باسىن بۇردى. ول اۋسترالياعا بارۋدى جانە انتاركتيداعا از دا بولسا قول تيگىزۋدى ارماندايدى.