اياق كيىممەن ناماز وقۋعا بولا ما؟ بۇل سۇراققا Fatua_kz-كە قازاقستان مۇسىلماندارى ءدىني باسقارماسى "شاريعات جانە ءپاتۋا" ءبولىمىنىڭ مامانى ەلبەك تاسبولات ۇلى جاۋاپ بەردى، - دەپ حابارلايدى اlmaty-akshamy.kz.
ماماننىڭ ايتۋىنشا، نامازدى اياق كيىممەن وقۋعا بولادى، الايدا مۇندا ەسكەرۋ كەرەك جايتتار بار.
"ءقازىر سۋىق مەزگىل. پايعامدارىمىز ساللالاھۋ الەيھي ءۋا ءساللام ساحابالارمەن بىرگە اياق كيىممەن ناماز وقىعان. كەيبىر كىسىلەر "اياق كيىممەن دارەتحاناعا كىرەمىز عوي، سول اياق كيىممەن نامازعا تۇرا بەرۋگە بولا ما؟" سۇراپ جاتادى. دارەتحانا كىر بولۋى مۇمكىن، ءبىراق ول مىندەتتى تۇردە لاس بولادى دەگەن ءسوز ەمەس. اياق كيىممەن كىردى باسقان كەزدە ول نامازعا جارامدى، ول جۇرگەن كەزدە تازالانىپ كەتەدى. ال ەندى ءناجىستى باسۋداعى جاعداي وزگەشە، ءناجىستى باسۋدىڭ ەكى ءتۇرى بولادى. ءبىرىنشىسى، قويۋ ءناجىس. قويۋ ءناجىستى باسقان كەزدە ونى جەرگە، قاعازعا ءسۇرتىپ، ءناجىستىڭ اسەرى قالماسا، ول تازارعان بولىپ ەسەپتەلىنەدى. ەكىنشىسى، ءزار سەكىلدى سۇيىق ءناجىس. سۇيىق ءناجىستى باسقان كەزدە ونى ءبىر رەت سۋعا جۋىپ جىبەرسە تازالانادى، ياعني اسەرى قالمايدى.
ال اياق كيىمنىڭ استىندا ناقتى ءناجىس بار ەكەنىن بىلمەگەن جاعدايدا، ونى ءبىر تەكسەرۋگە بولادى. ەگەر ءناجىستىڭ اسەرى بولماسا، اياق كيىم تازا. ونىمەن ناماز وقي بەرۋگە بولادى، بۇل ەشقانداي دىنىمىزگە قايشى ەمەس. سوندىقتان، كەرىسىنشە، سۋىق، اياز كەزدە دەنساۋلىعىمىزدى ساقتاۋىمىز كەرەك. قاجەتتىلىك بولسا نامازدى اياق كيىممەن وقۋعا بولادى"، - دەپ جاۋاپ بەردى ەلبەك تاسبولات ۇلى.