ۆەلوسيپەد ءمىنىپ ءجۇرۋدىڭ پايداسى جايلى دارىگەر ايتتى.
شايتانارباعا وتىرىپ الىپ، ونىمەن جەلدەي ەسۋدىڭ دەنساۋلىق ءۇشىن ءبىز بىلە بەرمەيتىن پايداسى كوپ ەكەن. بۇل تۋرالى «گەموتەست» زەرتحاناسىنىڭ ساراپشىسى، دارىگەر ەكاتەرينا دەميانوۆسكايا ايتتى، دەپ حابارلايدى Almaty-akshamy.kz.
دەنساۋلىققا پايداسىنان بولەك، شاپ-شاعىن ءارى ىڭعايلى بۇل كولىكتىڭ قورشاعان ورتاعا دا ەش زيانى جوق ەكەنىن ەسكە سالا كەتكەن ارتىق بولماس.
دەميانوۆسكايانىڭ ايتۋىنشا، ۆەلوسيپەدپەن ءجۇرۋ كەزىندە ادام ءجيى جانە تەرەڭ تىنىس الادى، بۇل دەنەگە كوبىرەك وتتەگى بەرەدى. بۇل يممۋنيتەتتى نىعايتادى، ينفەكسيا ءقاۋپىن ازايتادى جانە اجىمدەردىڭ پايدا بولۋ پروسەسىن باياۋلاتاتىن كوللاگەننىڭ بولىنۋىنە ىقپال ەتەدى. سونداي-اق، قوسىمشا وتتەگى ەستە ساقتاۋ مەن ويلاۋ قابىلەتىنە جاقسى اسەر ەتەدى.
سونىمەن قاتار، ۆەلوسيپەدپەن ءجۇرۋ – بۇل جۇرەك ءۇشىن تاپتىرمايتىن جاقسى كارديو جاتتىعۋلار. مۇنداي جاتتىعۋلاردىڭ ارقاسىندا جۇرەك-قان تامىرلارى جۇيەسى جاقسارادى جانە ارتەريالىق گيپەرتونيا، اتەروسكلەروز، ينفاركت جانە ينسۋلت ءقاۋپى تومەندەيدى. ۆەلوسيپەد توزىمدىلىكتى ارتتىرۋعا، مايدى ەرىتۋگە جانە بۇلشىقەتتى وسىرۋگە كومەكتەسەدى. سونداي-اق، ۆەلوسيپەدپەن ءجۇرۋ جۇيكە جۇيەسىنە جاعىمدى اسەر ەتەدى جانە كوڭىل-كۇيدى كوتەرە الادى.