ق ر ىشكى ىستەر مينيسترلىگى ۆەيپ، ەلەكتروندى تەمەكى ونىمدەرىنىڭ اينالىمى ءۇشىن جاۋاپكەرشىلىكتى ءتۇسىندىردى، دەپ حابارلايدى اlmaty-akshamy.kz.
ق ر ىشكى ىستەر مينيسترلىگى اكىمشىلىك پوليسيا كوميتەتى ءتوراعاسىنىڭ ورىنباسارى رەنات زۋلحايروۆ 2024 جىلدىڭ 20 ماۋسىمىنان باستاپ قازاقستاندا ۆەيپ، ەلەكتروندى تەمەكى ونىمدەرىنىڭ، حوش يىستەندىرگىشتەر مەن سۇيىقتىقتاردىڭ اينالىمى ءۇشىن قىلمىستىق جاۋاپكەرشىلىك تۋىندايتىنىن ەسكە سالدى.
«وزدەرىڭىز بىلەتىندەي، بۇعان دەيىن ءىىم قابىلدانعان وزگەرىستەر تۋرالى حالىقپەن جانە كاسىپكەرلەرمەن كەڭ اۋقىمدى قۇقىقتىق ءتۇسىندىرۋ جۇمىستارىن جۇرگىزدى. اتالعان زاتتاردى ساتۋ جانە تاراتۋ فاكتىلەرى انىقتالعان جاعدايدا كىنالىلەرگە 200 اەك (738 400 تەڭگەگە دەيىن – AR) مولشەرىندە ايىپپۇل، سول مولشەردە تۇزەۋ جۇمىستارى نە 200 ساعاتقا دەيىنگى مەرزىمگە قوعامدىق جۇمىستار، نە 50 تاۋلىككە دەيىنگى مەرزىمگە قاماۋعا الۋ ءقاۋپى بار. تەمەكى بۇيىمدارىن، ەلەكتروندىق تۇتىنۋ جۇيەلەرىن، ۆەيپتەردى، حوش يىستەندىرگىشتەر مەن سۇيىقتىقتاردى اكەلگەنى جانە وندىرگەنى ءۇشىن مۇلكى تاركىلەنىپ، ەكى جىلعا دەيىن باس بوستاندىعىنان ايىرۋ كوزدەلگەن. اسا ءىرى مولشەردە نە بىرنەشە رەت جاسالعان وسى ارەكەتتەر ءۇشىن مۇلكى تاركىلەنىپ، بەس جىلعا دەيىن باس بوستاندىعىنان ايىرۋ جازاسى كوزدەلگەن. قۇرمەتتى ازاماتتار! زاڭنامادا كورسەتىلگەن وزگەرىستەر قازاقستاننىڭ بولاشاعى جاستاردىڭ دەنساۋلىعىن ساقتاۋعا باعىتتالعان»، – دەپ اتاپ ءوتتى رەنات زۋلحايروۆ.