الەۋمەتتىك ماڭىزى بار ازىق-تۇلىك تاۋارلارىنا (بۇدان ءارى – ءامات) قويىلاتىن 15%-دىق ساۋدا ۇستەمەسىنىڭ ساقتالۋىن قامتاماسىز ەتۋ جانە دەلدالدار تىزبەگىن جويۋ ماقساتىندا، الماتى قالاسىندا ازىق-تۇلىك تاۋارلارىنا باعا بەلگىلەۋدىڭ بارلىق تىزبەگى بويىنشا دەلدالدىق سحەمالاردى تەكسەرۋ جونىندەگى وڭىرلىك كوميسسيا جۇمىس ىستەيدى، ونىڭ قۇرامىنا جەرگىلىكتى، ورتالىق، قۇقىق قورعاۋ ورگاندارى (ەكونوميكالىق تەرگەۋ، ساۋدا، مەملەكەتتىك كىرىس، باسەكەلەستىكتى قورعاۋ جانە دامىتۋ، تەحنيكالىق رەتتەۋ دەپارتامەنتتەرى، اۋماقتىق ينسپەكسيا جانە ت.ب.)، سونداي-اق الماتى قالاسى كاسىپكەرلەر پالاتاسىنىڭ وكىلدەرى كىرەدى، دەپ حابارلايدى اlmaty-akshamy.kz.
كوميسسيا مۇشەلەرى تۇراقتى نەگىزدە قالانىڭ: «تۇركسىب»، «ارىستان»، «سارى-ارقا»، «تاۋ-سامالى»، «كوك بازار»، «تاستاق»، اق-بۇلاق»، «بارىس-4» جانە تاعى سول سەكىلدى نەگىزگى ازىق-تۇلىك بازارلارىندا باعا بەلگىلەۋدى باقىلاۋ بويىنشا ءىس-شارالار وتكىزىپ وتىرادى.
اتاپ ايتقاندا، «بارىس-4» بازارىن تەكسەرۋ بارىسىندا، وڭىرلىك كوميسسيا 54 كاسىپكەردىڭ قىزمەتىندە زاڭ بۇزۋشىلىقتىڭ جايتتارىن انىقتادى، ونىڭ 29-ى تاۋاردىڭ باعالارىن كورسەتپەي ساتقانى ءۇشىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 193-بابى، قالعان 25ء-ى الەۋمەتتىك ماڭىزى بار ازىق-تۇلىك تاۋارلارىنا قويىلاتىن 15%-دىق ساۋدا ۇستەمەسىن قىمباتتاتقانى ءۇشىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 204-4 بابى بويىنشا جاۋاپكەرشىلىككە تارتىلدى. «بارىس-4» بازارىنىڭ ساتۋشىلارى اراسىنداعى دەلدالدار تىزبەگىن جويۋ جانە الەۋمەتتىك ماڭىزى بار ازىق-تۇلىك تاۋارلارىنا قويىلاتىن 15%-دىق ساۋدا ۇستەمەسىنىڭ ساقتالۋىن قامتاماسىز ەتۋ بويىنشا جۇمىس جالعاساتىن بولادى جانە ول كوميسسيانىڭ ەرەكشە باقىلاۋىندا قالىپ وتىر.
اعىمداعى جىلدىڭ باسىنان بەرى وڭىرلىك كوميسسيا جۇمىسىنىڭ قورىتىندىسى بويىنشا الەۋمەتتىك ماڭىزى بار ازىق-تۇلىك تاۋارلارىنا قويىلاتىن 15%-دىق ساۋدا ۇستەمەسىن قىمباتتاتۋدىڭ بارلىعى 213 جايتى انىقتالدى، 198 اكىمشىلىك حاتتاما جاسالدى، سونداي-اق 25 ءتيىمسىز دەلدال جويىلدى.
سونداي-اق، مونيتورينگ بارىسىندا، قۇقىقتىق ساۋاتتىلىقتى ارتتىرۋ ءۇشىن، اتالعان بازار كاسىپكەرلەرىنىڭ الەۋمەتتىك ماڭىزى بار ازىق-تۇلىك تاۋارلارىنىڭ باعالارىن ۇستاپ تۇرۋعا قاتىستى تۋىنداعان ماسەلەلەرىنە تۇسىنىك بەرىلدى، قوسىمشا رەتىندە ءوز قۇقىقتارىن قورعاۋ تۇرعىسىنان دەر كەزىندە دەن قويۋ ءۇشىن مۇمكىندىك بەرەتىن سوتقا دەيىنگى راسىمدەر تۋرالى تۇسىنىك بەرىلدى، سونداي-اق «ساپالى ءونىم» الەۋمەتتىك جوباسىن ىسكە اسىرۋ شەڭبەرىندە جانە قازاقستان رەسپۋبليكاسىنىڭ «تۇتىنۋشىلاردىڭ قۇقىقتارىن قورعاۋ تۋرالى» زاڭناماسى نورمالارىنىڭ شەڭبەرىندە، ىشكى نارىقتا ازىق-تۇلىك قاۋىپسىزدىگىن قامتاماسىز ەتۋ جانە تۇتىنۋشىلاردىڭ قۇقىقتارىن قورعاۋ ماسەلەلەرى تالقىلاندى.