ول ءومىرىنىڭ 35 جىلىن جۋرناليستيكا سالاسىنا ارنادى.
سۇم اجالدىڭ ميحايل ۆالەريەۆيچ بۋرەنكوۆتى كۇتپەگەن جەردەن ارامىزدان الىپ كەتكەنى قابىرعامىزدى قايىستىردى. ءاردايىم كوڭىلدى جۇرەتىن ميحايل ۆالەريەۆيچ ادام بويىنداعى تالانتتى، ادالدىقتى، بىلىمدىلىكتى جوعارى باعالايتىن، دەپ حابارلايدى Almaty-akshamy.kz.
ميحايل ۆالەريەۆيچ بۋرەنكوۆ 1964 جىلى 14 جەلتوقساندا الماتى قالاسىندا دۇنيەگە كەلگەن. 1989 جىلى كيروۆ اتىنداعى قازمۋ-دىڭ جۋرناليستيكا فاكۋلتەتىن ءتامامداعان.
1997-1998 جىلدارى «موسكوۆسكيي كومسومولەس ۆ كازاحستانە» گازەتىنىڭ باس رەداكتورى، كەيىن 2002 جىلعا دەيىن «نوۆوە پوكولەنيە» گازەتىنىڭ جاۋاپتى حاتشىسى بولدى.
2002 جىلى «كازاحستانسكايا پراۆدا» گازەتىنە باس رەداكتوردىڭ ءبىرىنشى ورىنباسارى بولىپ اۋىستى.
2004-2005 جىلدارى قازاقستان رەسپۋبليكاسى پرەزيدەنتى تەلەراديوكومپانياسىنىڭ رەداكتور-سەناريسى، 2006 جىلعا دەيىن «ستوليچنايا جيزن» اپتالىق گازەتىنىڭ باس رەداكتورى بولدى.
2006 جىلى «سەگودنيا» اپتالىق گازەتىن باسقاردى.
2007-2008 جىلدارى «ەۋرازيا» حالىقارالىق كينوفەستيۆالىنىڭ باسپا ءسوز حاتشىسى، 2013 جىلعا دەيىن ADA جارناما اگەنتتىگىنىڭ باس ديرەكتورىنىڭ ورىنباسارى قىزمەتىن اتقاردى.
2014-2015 جىلدارى «باسپالار ءۇيى» اق رەداكتورى، 2015-2020 جىلدارى «AiF قازاقستان» گازەتىندە جاۋاپتى حاتشى، شولۋشى قىزمەتتەرىن اتقارعان.
2020-2021 جىلدارى - «ۆەچەرنيي الماتى» گازەتى باس رەداكتورىنىڭ ورىنباسارى. 2022 جىلدىڭ قاڭتار ايىنان باستاپ «ۆەچەرنيي الماتى» گازەتىنىڭ باس رەداكتورى بولدى.
«التىن جۇلدىز» سىيلىعىنىڭ لاۋرەاتى. قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ «اقپارات سالاسىنىڭ ۇزدىگى» توسبەلگىسىمەن ماراپاتتالعان.
بۋرەنكوۆ ميحايل ۆالەريەۆيچ 35 جىلدان استام شىعارماشىلىق قىزمەتىن جۋرناليستيكا سالاسىنا ارناپ، ءوزىن جوعارى كاسىبي مامان، بىلىكتى جانە جاقسى باسشى رەتىندە كورسەتتى.
سوڭعى ءبىر جارىم جىل ىشىندە ول گازەتتىڭ اقپاراتتىق كونتەنت سالاسىندا ساپالى جۇمىس جاسادى. «ۆەچەرنيي الماتى» گازەتىنىڭ دامۋىنا، مەملەكەتتىك اقپاراتتىق ساياساتتى جۇزەگە اسىرۋعا زور ۇلەس قوستى.
ميحايل ءاردايىم كومەكتەسۋگە، قىسىل-تاياڭ ۋاقىتتا قول ۇشىن سوزۋعا، مورالدىق قولداۋ كورسەتۋگە دايىن جان ەدى. سول سەبەپتەن ونىڭ قازاسى بىزگە قيىن ءتيدى، قاتتى قايعىردىق. ونىڭ سۇيىكتى الماتىسى دا ۇلكەن قايعىنى باستان كەشىرۋدە.
ميحايل ۆالەريەۆيچتىڭ تۋعان-تۋىستارى مەن جاقىندارىنا قايعىلارىنا ورتاقتاسىپ كوڭىل ايتامىز. جاتقان جەرى جايلى، توپىراعى تورقا بولسىن!