قازاقستان اۋماعىنىڭ باسىم بولىگى سولتۇستىك-باتىس انتيسيكلونى ىقپالىندا بولادى.
«قازگيدرومەت» ماماندارى 19-21 ناۋرىز كۇندەرىنە ارنالعان اۋا رايى بولجامىن جاريالادى، دەپ حابارلايدى Almaty-akshamy.kz.
مامانداردىڭ بولجامى بويىنشا، اپتا سوڭىندا قازاقستان اۋماعىنىڭ باسىم بولىگى سولتۇستىك-باتىس انتيسيكلونى ىقپالىندا بولادى، وسىعان بايلانىستى ايازدى، كوبىنە جاۋىن-شاشىنسىز اۋا رايى ساقتالادى. الايدا جاڭا جەر ارحيپەلاگى جاقتان كەلەتىن سيكلون 20 ناۋرىزدا رەسپۋبليكانىڭ سولتۇستىك، سولتۇستىك-باتىس ايماقتارىنا اسەر ەتە باستايدى.
«سيكلون وڭتۇستىك-شىعىسقا قاراي اۋىسىپ، 21 ناۋرىزدا رەسپۋبليكانىڭ باسىم بولىگىن قامتيدى. وسىعان بايلانىستى اۋا تەمپەراتۋراسى جوعارىلاپ، كۇن كۇرت بۇزىلادى، اتاپ ايتقاندا، وڭتۇستىكتە جانە وڭتۇستىك-شىعىستا قار ارالاس جاۋىن-شاشىن (جاڭبىر، قار) جاۋىپ، جەل كۇشەيەدى، جاياۋ بۇرقاسىن سوعۋى ىقتيمال. رەسپۋبليكا بويىنشا تۇمان ءتۇسۋى ىقتيمال»، - دەلىنگەن سينوپتيكتەر حابارلاماسىندا.