جاڭا شتامداردىڭ پايدا بولۋىنا بايلانىستى جالعان قۇجات جاساۋشىلارعا دەگەن سۇرانىس ارتا ما؟
بۇل سۇراققا بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-سۇحبات بارىسىندا الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى جاۋاپ بەردى، دەپ حابارلايدى Almaty-akshamy.kz.
«قالامىزدا بولعان بىردى-ەكىلى جاعدايلاردان كەيىن ءبىز مەكەمەلەردىڭ ءبىرىنشى باسشىلارىن ەكپە پۋنكتتەرىنە تەكسەرىس جۇرگىزىپ، مونيتورينگ جاساپ وتىرۋعا مىندەتتەدىك. جەمقورلىققا جول بەرمەۋ ماقساتىندا بارلىق مەديسينا مەكەمەسىنىڭ باسشىسى وسى ماسەلەگە باسىمەن جاۋاپ بەرسىن دەپ ۇيعاردىق. ەگەر مۇنداي جاعداي بولا قالسا، مەكەمە باسشىسى لاۋازىمدى ورنىنان كەتەدى. بۇل تۋرالى ءبىزدىڭ مەكەمە باسشىلارىنىڭ ءبارى قۇلاعدار بولدى»، - دەدى لاۋرا مىرزاعالي.