ەكپە سالامىن دەۋشىلەرگە ۆاكسينا جەتەدى.
الماتىدا ۆاكسينا تاپشىلىعى جوق، بۇل تۋرالى 24 ماۋسىم كۇنى وڭىرلىك كوممۋنيكاسيالار قىزمەتىنىڭ الاڭىندا «COVID-19-عا قاتىستى وزەكتى ساۋالدار» تاقىرىبىندا وتكەن ونلاين-سۇحبات بارىسىندا الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي ءمالىم ەتتى، دەپ حابارلايدى اlmaty-akshamy.kz.
لاۋرا مىرزاعالي شاھاردا پتر-سىناماسى دا جەتكىلىكتى ەكەنىن ايتتى.
«ءوز باسىم حالىق ەكپە سالا باستاسا، قاتتى قۋانامىن. سەبەبى ولار اۋىرماي، وزدەرىن قورعاسا ەكەن دەيمىن. ماسەلەن، 19 ماۋسىمدا 3800 ادام ەكپە سالسا، 21 ماۋسىمدا بىردەن 5040 ادام ەكپە الدى.كەشە، ياعني 24 ماۋسىم كۇنى، 7 مىڭنان استام ادام ەكپە الدى، ەگەر دە ءبىز وسى ەكپىنمەن ەكپە سالدىراتىن بولساق، وندا بىزدە ۇجىمدىق يممۋنيتەت قالىپتاسار ەدى»،–دەدى لاۋرا مىرزاعالي.
ماماننىڭ ايتۋىنشا، قازىرگى كەزدە قالادا رەسەيلىك، قىتايلىق جانە قازاقستاندىق ۆاكسينا بار.