اقش پرەزيدەنتى دجو بايدەن COVID-قا قارسى ۆاكسينالانعان ادامدارعا 100 دوللاردان تولەۋ تۋرالى ۇسىنىس ايتتى، دەپ حابارلايدى almaty-akshamy.kz Interfax ru سىلتەمە جاساپ.
قارجى مينيسترلىگىنىڭ مالىمەتىنشە، جاڭا ۆاكسينالانعان امەريكاندىقتارعا تولەمدەر «قوسىمشا ىنتالاندىرۋ» رەتىندە ۇسىنىلاتىن بولادى. بۇل قادام «ۆاكسينالاۋ جىلدامدىعىن ارتتىرۋ، قوعامدى قورعاۋ جانە ادام ءومىرىن قۇتقارۋ» ماقساتىندا جاسالىپ وتىر.
اقش-تىڭ كاليفورنيا شتاتى مەن نيۋ-يورك قالاسى بارلىق ۇكىمەتتىك ۇيىمدارعا COVID-19-قا قارسى ۆاكسينا الۋدى نەمەسە ۇنەمى تەكسەرىلىپ تۇرۋدى تالاپ ەتتى. اقش اۋرۋلاردى باقىلاۋ جانە الدىن الۋ ورتالىقتارى ۆاكسينالانعان جانە ۆاكسينالانباعان تۇرعىندارعا «دەلتا» شتامىنا بايلانىستى جابىق جەردە، اسىرەسە، ەلدىڭ ەپيدەميولوگيالىق ءقاۋىپتى ايماقتارىندا بەتپەردە كيىپ ءجۇرۋدى ۇسىندى.
اقش-تا پاندەميا باستالعالى بەرى 35 ميلليوننان استام ادام COVID-19 ينفەكسياسىن جۇقتىرعان، 628 مىڭنان استام ادام قايتىس بولعان.