الماتى – ارۋ قالا. ونىڭ كوركەمدىگىن اسىرىپ تۇرعان، ءسوزسىز، جاسىل جەلەكتەرى. ءبىراق بۇگىنگىدەي ىستىقتا ولارعا كۇتىم كەرەك. ال كۇتىمسىز جاسىل جەلەكتەر قۋراپ كەتەدى، سالدارىنان اينالامىز سۇرەڭسىز تارتادى.
الماتى قالاسىنىڭ بوستاندىق اۋدانىندا 1986 جىلعى جەلتوقسان وقيعاسىنىڭ قاتىسۋشىلارى دا «اعاشتارعا قامقور بول!» قوعامدىق اكسياسىن قولداپ، اباي داڭعىلىنىڭ بويىنداعى جاسىل جەلەكتى سۋعارۋعا قاتىستى.
«ءبىز قالامىزدىڭ كورىكتى دە تازا، اعاشتارى جايقالعان جاسىل قالا كەلبەتىنەن ايىرىلماعانىن قالايمىز جانە بارلىق الماتىلىقتى وسى اكسياعا قاتىسۋعا شاقىرامىز»، – دەيدى ولار.
ەستەرىڭىزگە سالا كەتەيىك، شاھاردا مەكەمە-كاسىپورىن وكىلدەرىنىڭ، تۇرعىنداردىڭ وزدەرى ورنالاسقان اۋماقتاعى اعاشتاردى كۇتىمگە الۋ چەللەندجى باستالعان بولاتىن. بۇگىندە الماتىلىقتاردىڭ اتالمىش اكسياعا قاتىسۋ بەلسەندىلىگى جوعارى.