ۆاكسينا سالعىزباعاندارعا نە بولادى؟

بۇدان بۇرىن كوروناۆيرۋسقا قارسى ەكپەنى الۋ مەرزىمى بەكىتىلگەنىن جازعانبىز.

ۆاكسينانىڭ العاشقى دوزاسىن سالدىرۋدىڭ مەرزىمى بۇگىن اياقتالادى، دەپ حابارلايدى Almaty-akshamy.kz

 ال مۇلدەم ەكپە سالعىزباعان مىنا نىسانداعى قىزمەتكەرلەر ءۇشىن جۇمىس ىستەۋگە شەكتەۋ ەنگىزىلەدى:

 – حالىققا قىزمەت كورسەتۋ نىساندارى، ونىڭ ىشىنە مىنالار كىرەدى:

حالىققا قىزمەت كورسەتۋ ورتالىقتارى (حقكو)، «قازپوشتا» اق بولىمشەلەرى،
ەكىنشى دەڭگەيلى بانكتەر، قارجى نارىعىنىڭ نىساندارى، ساقتاندىرۋ كومپانيالارى، جىلجىمايتىن مۇلىك اگەنتتىكتەرى، جارناما اگەنتتىكتەرى، ايىرباستاۋ پۋنكتتەرى، لومباردتار،
سۇلۋلىق سالوندارى، شاشتارازدار، حيميالىق تازالاۋ ورىندارى، كيىم جۋۋ ورىندارى،
فيتنەس ورتالىقتارى، سپورت كەشەندەرى، سپورتتىق-ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار،
تيپوگرافيالىق قىزمەتتەر، تىگىن اتەلەسى، فوتوسالوندار، اياقكيىم شەبەرحانالارى، گۇل دۇكەندەرى، اياقكيىم، كيىم جوندەۋ، كەڭسە تەحنيكاسىن جوندەۋ سەرۆيسى،
نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەت كورسەتۋ بويىنشا نىساندار، وزگە دە نىساندار؛

– حالىق تۇتىناتىن ونىمدەر مەن تاۋارلاردىڭ كوتەرمە جانە بولشەك ساۋدا (ساقتاۋ) نىساندارى، ونىڭ ىشىندە بازارلار، ساۋدا ۇيلەرى، ساۋدا جەلىلەرى، ساۋدا جانە ويىن-ساۋىق ورتالىقتارى، دۇكەندەر، شاعىن ماركەتتەر، سۋپەرماركەتتەر، گيپەرماركەتتەر؛

– مادەنيەت جانە دەمالىس نىساندارى: مۋزەيلەر، مۋزەي-قورىقتار، كىتاپحانالار، كونسەرتتىك ۇيىمدار، فيلارمونيالار، تەاترلار، كينوتەاترلار، كونسەرت زالدارى، كلۋبتار، گالەرەيالار، كورمەلەر، سيركتەر جانە باسقا دا مادەني-دەمالىس ۇيىمدارى؛

– حالىق تۇراتىن قىزمەت كورسەتۋ سالاسىنداعى نىساندار: قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالارى؛

– جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، كولىك جانە سۋ ۆوكزالدارى، وزەن جانە تەڭىز پورتتارى، اۆتوستانسيالار/اۆتووتپە جولدارى، جولاۋشىلارعا قىزمەت كورسەتۋ پۋنكتتەرى؛

– ءبىلىم بەرۋ جانە تاربيەلەۋ ۇيىمدارى، ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارى (ەرەسەكتەر مەن بالالارعا ارنالعان)، وقۋ-وندىرىستىك كومبيناتتاردىڭ جانە باسقا دا مەكتەپتەن تىس ۇيىمدار؛

– ساناتوريي-كۋرورتتىق جانە ساۋىقتىرۋ ماقساتىنداعى نىساندار (ساناتورييلەر، دەمالىس ۇيلەرى/بازالارى/ايماقتارى، پروفيلاكتورييلەر، بالالاردىڭ ساۋىقتىرۋ لاگەرلەرى (مەكتەپ جانىنداعى، قالا سىرتىنداعى)، تۋريستىك بازالار جانە باسقالار)؛

– قوعامدىق تاماقتانۋ نىساندارى، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن نىساندار، ستريت-فۋدتار؛

– بارلىق ۇلگىدەگى مەديسينالىق-الەۋمەتتىك نىساندار (قارتتار، مۇگەدەكتەر ءۇيى، سابيلەر ءۇيى جانە باسقالارى)؛

– دەنساۋلىق ساقتاۋ ۇيىمدارى، ونىڭ ىشىندە زەرتحانالار؛

– ءدارىحانا ۇيىمدارى؛

– تىرشىلىكتى قامتاماسىز ەتۋ جانە كوممۋنالدىق شارۋاشىلىق نىساندارى (سۋمەن جابدىقتاۋ، جىلۋمەن جابدىقتاۋ، ەلەكترمەن جابدىقتاۋ، اۋماقتاردى جيناۋ جانە قالدىقتاردى شىعارۋ، ءۇي-جايلار مەن اۋماقتاردى دەزينفەكسيالىق وڭدەۋ بويىنشا ۇيىمدار، اۆاريالىق-قۇتقارۋ قىزمەتتەرى، پيك جانە ميب جانە باسقالارى)؛

– ەكسكۋرسيالىق قىزمەت كورسەتەتىن ۇيىمدار؛

– دەمالىس نىساندارىنىڭ، ويىن-ساۋىق ويىن نىساندارى: كومپيۋتەر كلۋبتارى، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار؛

– بايلانىس جانە تەلەكوممۋنيكاسيا نىساندارى.

قىزمەتكەرلەرگە ايىپپۇل سالىنبايدى. الايدا ول ازامات ءوزى قۇرعان جەكە كاسىپكەرلىكتە جالعىز قىزمەتكەر بولسا، وندا جۇمىس ورنىنا ەكپە سالدىرماي كەلگەنى ءۇشىن وعان جەكە تۇلعا رەتىندە 5 اەك كولەمىندە ايىپپۇل سالىنادى. لاۋازىمدى تۇلعالارعا 15 اەك، شاعىن بيزنەس سۋبەكتىلەرى جانە كوممەرسسيالىق ەمەس ۇيىمدارعا 100 اەك، ورتا بيزنەسكە 200 اەك، ءىرى بيزنەسكە 500 اەك كولەمىندە ايىپپۇل قاراستىرىلعان.

ال ۆاكسينانىڭ ەكىنشى كومپونەنتىن 2021 جىلدىڭ 1 قىركۇيەگىنە دەيىن سالعىزۋ كەرەك.