تۇركسىب اۋدانىندا مەملەكەتتىك مەكتەپ كەڭەيتىلۋدە جانە ەكى جاڭا جەكە مەنشىك مەكتەپتىڭ قۇرىلىسى اياقتالىپ قالدى.
الماتىنىڭ تۇركسىب اۋدانىندا مەكتەپتەردەگى وقۋشىلار ورىندارىنىڭ تاپشىلىعى 1600-دەن اسادى. وسىعان بايلانىستى بيىل اۋداندا ءۇش مەكتەپ كەڭەيتىلىپ، ەسكى عيماراتتىڭ ورنىنا تاعى ءبىر مەكتەپ سالىنادى. بۇل تۋرالى تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مالىمدەدى، دەپ حابارلايدى Almaty-akshamy.kz.
ب. اقجاروۆ تۇركسىب اۋدانىنداعى 29 مەكتەپتىڭ ەكەۋى جەكەمەنشىكتىكى ەكەنىن ايتتى. 32 442 وقۋشى بار، ال وقۋشى ورىندارىنىڭ تاپشىلىعى 1690-دى قۇرايدى.
بۇل ماسەلەنى شەشۋ ءۇشىن جەرگىلىكتى اتقارۋشى ورگاندار №170 مەكتەپتىڭ جانىنان 300 بالاعا ارنالعان جاڭا كورپۋستى سالۋعا شەشىم قابىلدادى. قازىرگى ۋاقىتتا نىساننىڭ دايىندىعى 90%-دى قۇرايدى، قۇرىلىس وقۋ جىلىنىڭ باسىنا دەيىن اياقتالادى.
سونداي-اق، سەيفۋللين داڭعىلىندا 590 ورىندى جەكە مەكتەپتىڭ قۇرىلىسى اياقتالۋعا جاقىن، نىسان 93%-عا دايىن. 2021 جىلدىڭ جەلتوقسانىنا دەيىن قايرات شاعىن اۋدانىندا 1500 ورىندى مەكتەپتىڭ قۇرىلىسىن اياقتاۋ جوسپارلانۋدا.
تۇركسىب اۋدانىنىڭ اكىمى ساۋرانبايەۆ كوشەسىندە بۇرىننان بار عيماراتتى بۇزىپ، ونىڭ ورنىنا №59 مەكتەپ-گيمنازيانىڭ جاڭا عيماراتىن سالۋ ءۇشىن جوبالىق-سمەتالىق قۇجاتتاردىڭ ازىرلەنىپ جاتقانىن ايتتى.
ب. اقجاروۆتىڭ ايتۋىنشا، اۋداندا مەكتەپكە دەيىنگى مەكەمەلەر ماسەلەسى دە شەشىلۋدە. اۋداندا جۇمىس ىستەپ تۇرعان 93 بالاباقشا جەتكىلىكسىز، سوندىقتان «جاس قانات» شاعىناۋدانىندا 280 ورىندىق بالاباقشانىڭ قۇرىلىسى باستالدى. عيمارات جىل سوڭىنا دەيىن سالىنىپ بىتەدى.
«بيىل "قايرات" شاعىناۋدانىندا 260 ورىندى مەملەكەتتىك بالاباقشانىڭ قۇرىلىسى، سونداي-اق ستاحانوۆسكايا كوشەسىندەگى №70 ساناتورلىق بوبەكجايدى كۇردەلى جوندەۋ جانە سەيسميكالىق كۇشەيتۋ جوسپارلانۋدا»، - دەدى تۇركسىب اۋدانىنىڭ اكىمى.
ايتا كەتسەك، 100 ورىندى №86 بالاباقشانى جانە الماتى قالالىق مۇمكىندىگى شەكتەۋلى بالالاردى وڭالتۋ ورتالىعىن سەيسميكالىق نىعايتۋ بويىنشا جۇمىستار اياقتالدى. سونىمەن قاتار 103 ورىندى ءۇش جەكەمەنشىك بالاباقشا بار.
ب. اقجاروۆ اۋداننىڭ دەنساۋلىق ساقتاۋ ينفراقۇرىلىمى تۋرالى ايتتى. ونىڭ ايتۋىنشا، اۋداندا جەتى قالالىق ەمحانا مەن التى اۋرۋحانا بار. قوسىلعان حالىقتىڭ سانى 247 مىڭ ادامدى قۇرايدى. مەديسينالىق تەحنيكامەن جابدىقتالۋ – 86%.
«قالا تۇرعىندارىنا ىڭعايلى بولۋ ءۇشىن بيىل "نۇرشاشقان" شاعىناۋدانىندا اۋىسىمىنا 100 كەلۋشىگە ارنالعان دارىگەرلىك امبۋلاتوريا مەن "قايرات" شاعىناۋدانىندا اۋىسىمىنا 500 كەلۋشىگە ارنالعان ەمحانانىڭ قۇرىلىسىن باستاۋ جوسپارلانۋدا»، - دەدى ب.اقجاروۆ.
سونىمەن قاتار، ايباسوۆ كوشەسىندە بوي كوتەرەتىن اۋىسىمىنا 200 كەلۋشىگە ارنالعان دارىگەرلىك امبۋلاتوريا قۇرىلىسىنىڭ جوبالىق-سمەتالىق قۇجاتتارى ازىرلەنۋدە.