ۆاكسينا سالدىرماعان اسكەري قىزمەتشىلەر جۇمىستان شىعارىلادى

اسكەريلەر 28 قاراشاعا دەيىن ۆاكسينا سالدىرىپ ۇلگەرۋ كەرەك

اقش-تا كوروناۆيرۋسقا قارسى ەگىلمەگەن اسكەري قىزمەتشىلەر جۇمىستان شىعارىلادى. بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا مالىمدەدى، دەپ حابارلايدى Almaty-akshamy.kz.

 اقش-تا 28 قاراشاعا دەيىن كوروناۆيرۋسقا قارسى ۆاكسينا الماعان اسكەري قىزمەتشىلەر جۇمىستان شىعارىلادى. اسكەري-تەڭىز كۇشتەرىنىڭ رەزەرۆىندە تۇرعاندار دا ۆاكسينا الۋعا مىندەتتى، ولار ءۇشىن سوڭعى مەرزىم — 28 جەلتوقسان. قازىرگى ۋاقىتتا امەريكا قورعانىس ۆەدومستۆوسىنىڭ مالىمەتىنشە، اسكەري-تەڭىز كۇشتەرىنىڭ 94% COVID-19 ۆاكسيناسياسىنىڭ تولىق كۋرسىنان ءوتتى. 

ۋكراينادا مەملەكەتتىك مەكەمەلەر، ماڭىزدى سالالارداعى كاسىپورىنداردىڭ قىزمەتكەرلەرى، الەۋمەتتىك قىزمەتكەرلەر مەن پوشتاشىلار كوروناۆيرۋسقا قارسى ۆاكسينا الۋى ءتيىس. ەلدىڭ دەنساۋلىق ساقتاۋ مينيسترلىگىنىڭ باسشىسى ۆيكتور لياشكو بۇدان ءارى تىزىمگە جەرگىلىكتى ءوزىن-وزى باسقارۋ ورگاندارىنىڭ، كوممۋنالدىق كاسىپورىنداردىڭ، مۋنيسيپالدىق مەكەمەلەردىڭ قىزمەتكەرلەرى ەنگىزىلۋى مۇمكىن ەكەنىن ايتتى. 

يتاليادا جۇمىس ورىندارىنا كىرۋ ءۇشىن مىندەتتى COVID-سەرتيفيكاتتارى قولدانىلا باستادى. Green pass ەلەكتروندىق سەرتيفيكاتتارىن ەنگىزۋ تۋرالى شەشىم ءبىر اي بۇرىن ماقۇلداندى. يتاليادا ازاماتتاردىڭ 80،8% كوروناۆيرۋسقا قارسى تولىعىمەن ەگىلدى، ال تۇرعىنداردىڭ 85% استامى ۆاكسينانىڭ ءبىر دوزاسىن الدى.