ءانشىنىڭ مەرەيتويلىق كونسەرتى الداعى ۋاقىتتا ماسكەۋدە وتەدى
الماتىدا الىبەك دىنىشيەۆتىڭ 70 جىلدىق مەرەيتويىنا ارنالعان جەكە كونسەرتى ءوتتى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
كونسەرت اباي اتىنداعى قازاق ۇلتتىق اكادەميالىق وپەرا جانە بالەت تەاترىنىڭ زالىندا ءوتتى.
كونسەرتتىك باعدارلاماعا الەكساندر بەلياكوۆتىڭ جەتەكشىلىگىمەن الماتى اكىمىنىڭ ەسترادالىق-سيمفونيالىق وركەسترى قاتىستى.
كونسەرت بارىسىندا قازاق، ورىس حالىق اندەرى، سونداي-اق، الەمدىك كلاسسيكالىق شىعارمالار ورىندالدى. سونىمەن بىرگە، مەرەيتوي يەسى جاڭا تۋىندىلارىن دا ورىندادى.
ءانشىنىڭ بۇل كونسەرتى 22 قازاندا نۇر-سۇلتانداعى «استانا وپەرا» مەملەكەتتىك وپەرا جانە بالەت تەاترىندا جانە قاراشا ايىندا ماسكەۋ قالاسىندا وتكىزۋ جوسپارلانعان.
الىبەك مۇسا ۇلى دىنىشيەۆ - كسرو حالىق ءارتىسى جانە قازاق كسر-ى مەن قازاقستاننىڭ حالىق ءارتىسى، قازاقستاننىڭ ەڭبەك ەرى. قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىك بەيبىتشىلىك جانە رۋحاني كەلىسىم سىيلىعىنىڭ لاۋرەاتى.