iPhone ماركالى تەلەفون، اقشالاي سەرتيفيكات، باعالى سىيلىقتار ويناتىلعان
قازاقستاندىق جوعارى وقۋ ورىندارى ۆاكسينا سالدىرعان ستۋدەنتتەر اراسىندا باعالى جۇلدەلەردىڭ ۇتىس ويىنىن وتكىزۋدى جالعاستىرىپ جاتىر، دەپ حابارلايدى Almaty-akshamy.kz ق ر بعم باسپا ءسوز قىزمەتىنە سىلتەمە جاساپ.
ءبىلىم الۋشىلار اراسىندا جولداما، iPhone ماركالى ۇيالى تەلەفون، اقشالاي سەرتيفيكاتتار جانە باسقا دا باعالى سىيلىقتار ويناتىلىپ جاتىر.
ەستەرىڭىزگە سالا كەتەيىك، بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا جوعارى وقۋ ورىندارى ءبىلىم الۋشىلار مەن وقىتۋشىلار اراسىندا ۆاكسينا الۋعا ىنتالاندىرۋ شارالارىن ازىرلەگەن بولاتىن.
س. امانجولوۆ اتىنداعى شىعىس قازاقستان ۋنيۆەرسيتەتىندە بۇگىنگى تاڭدا ستۋدەنتتەر مەن پروفەسسورلىق-وقىتۋشىلىق قۇرامنىڭ 99%-ى ەكپە سالدىردى. ستۋدەنتتەر جانە ۋنيۆەرسيتەت قىزمەتكەرلەرى اراسىندا ءتۇسىندىرۋ جۇمىستارى مەن ۆاكسينا الۋعا ىنتالاندىرۋ شارالارى جالعاسىپ جاتىر. ءبىرىنشى بولىپ ۆاكسينا العان ءبىلىم الۋشىلار وقۋ اقىسى مەن ستۋدەنتتەر ۇيىندە تۇرۋعا جەڭىلدىكتەر الدى. سونداي-اق ولارعا ەكپە سالدىرعان وقىتۋشىلارمەن بىرگە فيتنەس ورتالىعىنا ابونەمەنتتەر جانە دەمالىس بازاسىنا جولدامالار، اعىلشىن ءتىلىن وقىتۋ كۋرستارىنا سەرتيفيكاتتار مەن IELTS/TOEFL تەستىلەۋىنە دايىندىق ساباقتارىنا جەڭىلدىكتەر بەرىلدى.
سافي وتەبايەۆ اتىنداعى اتىراۋ مۇناي جانە گاز ۋنيۆەرسيتەتىندە ستۋدەنتتەر اراسىندا تۇركىستان قالاسىنا جولداما ويناتىلدى. ستۋدەنتتەر مەن وقىتۋشىلار تۇركى الەمىنىڭ رۋحاني استاناسىندا بولىپ، ەجەلگى قالانىڭ كورىكتى جەرلەرىمەن تانىستى.
ى. التىنسارين اتىنداعى ارقالىق پەداگوگيكالىق ينستيتۋتىندا ۆاكسينا العان ستۋدەنتتەر اراسىندا ۇتىس ويىنىنىڭ ەكىنشى كەزەڭى وتكىزىلدى. 10 ستۋدەنتكە كىتاپ ساتىپ الۋعا ارنالعان 10 مىڭ تەڭگە سوماسىندا سەرتيفيكاتتار بەرىلدى.
تورايعىروۆ ۋنيۆەرسيتەتىندە ەكپە سالدىرعان ءبىلىم الۋشىلار اراسىندا iPhone ماركالى ۇيالى تەلەفوندار، باياناۋىل مەن نۇر-سۇلتان قالاسىنا جولدامالار، سونداي-اق جاتاقحانادا تۇرۋعا 50 پايىزدىق جەڭىلدىكتەر جانە فيتنەس-زالعا ابونەمەنت ويناتىلدى.
د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىندە ۆاكسينا العان 70 ستۋدەنت 10 مىڭ تەڭگە كولەمىندە اقشالاي سەرتيفيكات الدى.
ش. ءۋاليحانوۆ اتىنداعى كوكشەتاۋ ۋنيۆەرسيتەتىندە ەكپە سالدىرعان ستۋدەنتتەر اراسىندا شيپاجايعا جولدامالار جانە 25 مىڭ تەڭگە كولەمىندە اقشالاي سىيلىقتار ويناتىلىپ، ۇتىس ويىنىنىڭ ەكىنشى كەزەڭى وتكىزىلدى. سونداي-اق ءبىلىم الۋشىلار سپورتتىق-ساۋىقتىرۋ لاگەرىنە جولداما الدى.
پاۆلودار پەداگوگيكالىق ۋنيۆەرسيتەتىندە ستۋدەنتتەر 10 مىڭ تەڭگە سوماسىندا اقشالاي سەرتيفيكاتتار، كينو مەن تەاتر بيلەتتەرى، جول ءجۇرۋ بيلەتتەرىن ۇتىپ، سونداي-اق جاتاقحانادا تۇرۋعا 50% جەڭىلدىك الدى.
قوستاناي وڭىرلىك ۋنيۆەرسيتەتىندە ۆاكسينانىڭ تولىق كۋرسىنان وتكەن ستۋدەنتتەر مەن قىزمەتكەرلەر اراسىندا ۇتىس ويىنى بولدى. جەڭىمپازدار اسكەري كافەدرانىڭ وقۋ اقىسىنا جانە جاتاقحانادا تۇرۋعا جەڭىلدىكتەر الدى. قىزمەتكەرلەر اراسىندا «سوسنوۆىي بور» ساۋىقتىرۋ ورتالىعىنا 10 جولداما ويناتىلدى.
م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىندە «مەن ءومىردى تاڭدايمىن!» اكسياسى ۇيىمداستىرىلدى. جەڭىمپازدار جوعارى وقۋ ورنىندا وقۋعا جەڭىلدىكتەر، سونىمەن بىرگە نۇر-سۇلتان جانە تۇركىستان قالاسىنداعى قوجا احمەت ياسساۋي، ارىستان باب كەسەنەلەرىنە، وتىرار قالاشىعىنا، «كەرۋەن-ساراي» كەشەنىنە تۋريستىك جولدامالار ۇتىپ الدى.