بانان مەكتەپتىڭ جىلىجايىندا وسىرىلگەن
جەرى نەگىزىنەن شولەيتتى سانالاتىن شىعىس قازاقستان وبلىسى اباي اۋدانىنىڭ ورتالىعى قاراۋىل اۋىلىنداعى مەكتەپتىڭ جىلىجايىندا تروپيكالىق جەمىستەر وسىرىلۋدە، دەپ حابارلايدى Almaty-akshamy.kz «ايقىن» باسىلىمىنا سىلتەمە جاساپ.
قىمىزىمەن تانىمال اۋدانعا بانان، انار، ليمون مەن ءمانداريندى وسىدان بەس جىل بۇرىن مەكتەپ ديرەكتورىنىڭ ءوزى اكەلىپ، وتىرعىزعان ەكەن. باستاپقى ەكى جىلدا كوشەتتەر مەكتەپ دالىزىندە تۇرعاندىقتان، ءوسىمى باياۋلاعانىمەن، كەيىن جىلىجايعا اۋىستىرعاننان سوڭ بىرتىندەپ ءونىم بەرە باستاپتى.
«العاش اكەلگەن كەزدە بانان ءۇش-تورت جىلدا جەمىس بەرەدى دەگەنگە سەنبەگەنبىز. ەندى كوزىمىز جەتتى. بۇل وسىمدىكتەرگە ەڭ باستىسى جىلۋ كەرەك. جاپىراعى جايىلىپ وسەتىن بانان اعاشىنا بولاشاقتا ارنايى، بولەك ورىن قاجەت»، – دەيدى مەكتەپ ديرەكتورى انار سادىبەكوۆا.
مەكتەپ باسشىلىعى الداعى ۋاقىتتا جىلىجايدى ۇلعايتۋدى جوسپارلاپ وتىر. سەبەبى مۇندا تروپيكالىق جەمىستەرمەن قاتار راۋشان گ ۇلى مەن قيار دا وسەدى.