سۇرانىس ارتسا بۇل باعىتتىڭ گەوگرافياسى كەڭەيەدى
«قازاقستان تەمىر جولى» اق ساتۋ جانە كليەنتتەرمەن جۇمىس ىستەۋ دەپارتامەنتىنىڭ ديرەكتورى ەرلان جيمايلوۆ تەك ايەلدەرگە ارنالعان ۆاگونعا قاتىستى ازىرلەنگەن جوبانىڭ ەرەكشەلىكتەرىن ايتتى، – دەپ حابارلايدى Almaty-akshamy.kz.Tengrinews.kz-كە سىلتەمە جاساپ.
10 قازاننان باستاپ الماتى – ماڭعىستاۋ، الماتى – وسكەمەن باعىتتارى بويىنشا قاتىنايتىن پويىزداردا ايەلدەر ءۇشىن ارنايى ءبىر كۋپە ۆاگون اشىلدى.
«بۇل ەڭ الدىمەن، ايەلدەردىڭ قاۋىپسىزدىگى ءۇشىن جاسالدى. مۇنداي ۆاگوندارعا سۇرانىس بار. ايەلدەر تاراپىنان قىزمەتكە سۇرانىس ارتسا، كومپانيا وسى باعىتتاردىڭ گەوگرافياسىن كەڭەيتۋگە دايىن. بۇل رەتتە 7 جاسقا دەيىنگى ۇل بالالاردى الىپ جۇرۋگە رۇقسات ەتىلەتىنىن اتاپ ءوتۋ قاجەت»، – دەدى ەرلان جيمايلوۆ.
ول سونداي-اق، مۇنداي ۆاگونداردا تەك ايەل جولسەرىكتەر قىزمەت كورسەتەتىنىن ايتتى.
«ايەلدەر ۆاگوندارىنىڭ باسقالاردان ەش ايىرماسى جوق. باعا بىردەي. ستاندارت كۋپە»، – دەدى ول.