ق ر باس مەملەكەتتىك سانيتار دارىگەرى ەرلان قياسوۆتىڭ جاڭا قاۋلىسىنا سايكەس، كوروناۆيرۋسقا قارسى ۆاكسينا الماعانى ءۇشىن قىزمەتكەرلەرى 7 كۇندە 1 رەت پتر-تەست تاپسىرۋ مىندەتتەلەتىن ۇيىمداردىڭ ءتىزىمى ۇزاردى.
جاڭا قاۋلى 2021 جىلعى 2 شىلدەدە ساعات 00.00-دە كۇشىنە ەنەدى، دەپ حابارلايدى Almaty-akshamy.kz
وبلىستاردىڭ، الماتى، نۇر-Cۇلتان، شىمكەنت قالالارىنىڭ اكىمدەرى، ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار، «اتامەكەن» ۇكپ (كەلىسۋ بويىنشا)، ۇلتتىق كومپانيالار، مەنشىك نىسانىنا قاراماستان زاڭدى تۇلعالار: مىناداي ۇيىمداردىڭ/وبەكتىلەردىڭ ۆاكسينالانباعان جۇمىسكەرلەرى ءۇشىن (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) 7 كۇندە 1 رەت مىندەتتى پتر-تەستىلەۋ ەنگىزىلەدى:
- قىزمەت كورسەتۋ جونىندەگى وبەكتىلەردىڭ (حالىققا قىزمەت كورسەتۋ ورتالىقتارى (حقكو)، «قازپوشتا» اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتتەرى، لومباردتار، سۇلۋلىق سالوندارى، شاشتارازدار، حيميالىق تازالاۋ ورىندارى، كىر جۋۋ ورىندارى، فيتنەس، سپورت كەشەندەرى، سپورتتىق-ساۋىقتىرۋ ورتالىقتارى، سپا جانە ماسساج سالوندارى/ورتالىقتارى/كابينەتتەرى، مونشالار، ساۋنالار، باسسەيندەر، جاعاجايلار، تيپوگرافيالىق كورسەتىلەتىن قىزمەتتەر، تىگىن اتەلەسى، فوتوسالوندار، اياق كيىم شەبەرحانالارى، گۇل دۇكەندەرىنىڭ، اياق كيىم، كيىم جوندەۋ، ۇيىمداستىرۋ تەحنيكاسىن جوندەۋ جونىندەگى سەرۆيس، ادۆوكات، نوتاريۋس، بۋحگالتەر جانە كونسالتينگ، مانيكيۋر جانە پەديكيۋر، كوسمەتولوگيالىق قىزمەتتەردى كورسەتۋ جونىندەگى وبەكتىلەر، وزگە دە وبەكتىلەر)؛
- حالىق تۇتىناتىن ونىمدەردىڭ جانە تاۋارلاردىڭ كوتەرمە جانە بولشەك ساۋداسى (ساقتاۋ) وبەكتىلەرىنىڭ، ونىڭ ىشىندە بازارلاردىڭ، ساۋدا ۇيلەرىنىڭ، ساۋدا جەلىلەرىنىڭ، ساۋدا-ويىن-ساۋىق ورتالىقتارىنىڭ، دۇكەندەردىڭ، شاعىن ماركەتتەردىڭ، سۋپەرماركەتتەردىڭ، گيپەرماركەتتەردىڭ؛
- مادەنيەت جانە دەمالىس وبەكتىلەرىنىڭ (مۋزەيلەر، مۋزەي-قورىقتار، كىتاپحانالار، كونسەرتتىك ۇيىمدار، فيلارمونيالار، تەاترلار، كينوتەاترلار، كونسەرت زالدارى، كلۋبتار، گالەرەيالار، كورمەلەر، سيركتەر جانە باسقا دا مادەني-دەمالىس ۇيىمدارى)؛
- حالىقتىڭ تۇرۋى بويىنشا قىزمەتتەر كورسەتۋ سالاسىنداعى وبەكتىلەردىڭ (قوناق ۇيلەر، وتەلدەر، حوستەلدەر، موتەلدەر، جاتاقحانالار، كەمپينگتەر جانە تاعى باسقالار)؛
- جولاۋشىلار تاسىمالىن جۇزەگە اسىراتىن ۇيىمداردىڭ، اۋەجايلاردىڭ، تەمىرجول، اۆتوموبيل جانە سۋ ۆوكزالدارىنىڭ، وزەن جانە تەڭىز پورتتارىنىڭ، اۆتوستانسيالار/اۆتووتپە جولدارىنىڭ، جولاۋشىلارعا قىزمەت كورسەتۋ پۋنكتتەرىنىڭ؛
- ءبىلىم بەرۋ جانە تاربيەلەۋ ۇيىمدارىنىڭ، ونىڭ ىشىندە ءبىلىم بەرۋ دامىتۋ جانە تۇزەتۋ ورتالىقتارىنىڭ (ەرەسەكتەر مەن بالالارعا ارنالعان)، وقۋ-وندىرىستىك كومبيناتتاردىڭ جانە باسقا دا مەكتەپتەن تىس ۇيىمداردىڭ؛
- ساناتوريي-كۋرورتتىق جانە ساۋىقتىرۋ ماقساتىنداعى وبەكتىلەردىڭ (ساناتورييلەر، دەمالىس ۇيلەرى/بازالارى/ايماقتارى، پروفيلاكتورييلەر، بالالاردىڭ ساۋىقتىرۋ لاگەرلەرى (مەكتەپ جانىنداعى، قالا سىرتىنداعى)، تۋريستىك بازالار جانە باسقالار)؛
- قوعامدىق تاماقتانۋ وبەكتىلەرىنىڭ، ونىڭ ىشىندە ۇيىمداسقان ۇجىمداردا ورنالاسقان، سونداي-اق تاماق جەتكىزۋدى جۇزەگە اسىراتىن وبەكتىلەردىڭ، ستريت-فۋدتاردىڭ؛
- بارلىق ۇلگىدەگى مەديسينالىق-الەۋمەتتىك وبەكتىلەردىڭ (قارتتار، مۇگەدەكتەر ۇيلەرى، سابيلەر ۇيلەرى جانە باسقالارى)؛ - دەنساۋلىق ساقتاۋ ۇيىمدارىنىڭ، ونىڭ ىشىندە زەرتحانالاردىڭ؛ - ءدارىحانا ۇيىمدارىنىڭ؛ - تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرىنىڭ (سۋمەن جابدىقتاۋ، جىلۋمەن جابدىقتاۋ، ەلەكترمەن جابدىقتاۋ، اۋماقتاردى جيناۋ جانە قالدىقتاردى شىعارۋ، ءۇي-جايلار مەن اۋماقتاردى دەزينفەكسيالىق وڭدەۋ بويىنشا ۇيىمدار، اۆاريالىق-قۇتقارۋ قىزمەتتەرى، پيك جانە ميب جانە باسقالارى)؛
- ەكسكۋرسيالىق قىزمەت كورسەتەتىن ۇيىمداردىڭ؛ - دەمالىس وبەكتىلەرىنىڭ، ويىن-ساۋىق ويىن وبەكتىلەرىنىڭ (كومپيۋتەرلىك كلۋبتار، بيليارد زالدارى، بوۋلينگتەر، ويىن-ساۋىق ورتالىقتارى/ساياباقتارى، اتتراكسيوندار، اكۆاپاركتەر، كاراوكە، لوتەرەيا كلۋبتارى جانە لوتەرەيا بيلەتتەرىن ساتۋ جونىندەگى وزگە دە پۋنكتتەر/نۇكتەلەر جانە باسقالار)؛
- بايلانىس جانە تەلەكوممۋنيكاسيا وبەكتىلەرىنىڭ. سونداي-اق، وبلىستاردىڭ، الماتى، نۇر-سۇلتان، شىمكەنت قالالارىنىڭ اكىمدەرى، «اتامەكەن» ۇكپ (كەلىسۋ بويىنشا)، ۇلتتىق كومپانيالاردىڭ، ۇيىمداردىڭ، مەنشىك نىسانىنا قاراماستان، ق ر اۋماعىندا جوعارىدا اتالعان سالالاردا قىزمەتىن جۇزەگە اسىراتىن جەكە جانە زاڭدى تۇلعالاردىڭ باسشىلارى: 2021 جىلعى 15 شىلدەگە دەيىنگى مەرزىمدە (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) ۆاكسينانىڭ ءبىرىنشى كومپونەنتىمەن، ال 2021 جىلعى 15 تامىزعا دەيىنگى مەرزىمدە ەكىنشى كومپونەنتىمەن پروفيلاكتيكالىق ەگۋلەر جۇرگىزۋدى ۇيىمداستىرۋى قاجەت.
بۇدان بولەك، COVID-19 كوروناۆيرۋس ينفەكسياسىنىڭ الدىن الۋ بويىنشا جۇمىسكەرلەر اراسىندا ءاقپاراتتىق-تۇسىندىرۋ جۇمىس كۇشەيتىلۋى ءتيىس. COVID-19-عا قارسى ۆاكسينا الماعان جۇمىسكەرلەر (تۇراقتى مەديسينالىق قارسى كورسەتىلىمدەرى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) وففلاين رەجيمدە جۇمىسقا جىبەرىلمەيدى.