الماتىداعى سانيتارلىق-ەپيدەميولوگيالىق احۋال مۋتاسيالانعان «دەلتا» شتامىنىڭ انىقتالۋىمەن كۇردەلەنە تۇسۋدە.
كوروناۆيرۋس ينفەكسياسىنىڭ تارالۋىنىڭ الدىن الۋ ماقساتىندا مەگاپوليستىڭ حالىقارالىق اۋەجايىندا سانيتارلىق-ەپيدەميولوگيالىق باقىلاۋ كۇشەيتىلدى، دەپ حابارلايدى Almaty-akshamy.kz.
الماتىدا كۆي-دىڭ تارالۋىن بولدىرماۋ جونىندەگى شتابتىڭ دەرەگى بويىنشا 2020 جىلدىڭ 6 قازانىنان 2021 جىلدىڭ 30 ماۋسىمىنا دەيىن قالانىڭ حالىقارالىق اۋەجايىنا بورتىندا 424 799 جولاۋشى بار 2935 رەيس كەلگەن. ونىڭ ىشىندە COVID-19 تەرىس ناتيجەسى بار سەرتيفيكاتتارمەن - 395 431، ۆاكسينالانۋ پاسپورتتارىمەن - 3836، سەرتيفيكاتسىز 25 532 ادام بولدى.
25500 ادام پتر ءاناليزىن تاپسىرۋ ءۇشىن كارانتيندىك ستاسيونارعا جاتقىزىلدى. تۇركيادان (37)، باا-دەن (35)، ەگيپەتتەن (33)، بەلارۋسسيادان (5)، ۋكراينادان (7)، مالديۆتەردەن (4)، وڭتۇستىك كورەيادان (2)، ماليدەن (1)، رەسەي (1).
تەرىس پتر سىناعى سەرتيفيكاتتارىنىڭ بولماۋى سالدارىنان 32 شەتەلدىك ازامات الماتى اۋەجايىنان ەلدەرىنە قايتارىلدى.
ەسكە سالساق، مەگاپوليستەگى سانيتارلىق-ەپيدەميولوگيالىق احۋال مۋتاسيالانعان «دەلتا» شتامىنىڭ انىقتالۋىمەن كۇردەلەنە تۇسۋدە. 1 شىلدەدەگى جاعداي بويىنشا، الماتى قالاسىندا كوروناۆيرۋس ينفەكسياسىنىڭ 74 306 جاعدايى تىركەلدى، ونىڭ 57 841ء-ى سيمپتومدى، 16 465-ى سيمپتومسىز، 1 993 جاعدايى انىقتالماعان پنيەۆمونيا.
30 ماۋسىمدا كوروناۆيرۋس ينفەكسياسىنىڭ 305 جاعدايى تىركەلدى، ونىڭ 282ء-سى سيمپتومدى، 23ء-ى سيمپتومسىز. تاۋلىكتىك ءوسىم - 0،4% . رەپرودۋكتيۆتى سانى - 1،287. 29 ماۋسىمداعى جاعداي بويىنشا، زەرتتەلگەن سىنامالارداعى ءۇندى شتامىنىڭ ۇلەس سالماعى - 78،3%.
سوندىقتان الماتىداعى كۆي-دىڭ تارالۋىن بولدىرماۋ جونىندەگى شتاب قالا تۇرعىندارى مەن قوناقتارىن بەتپەردە رەجيمى مەن الەۋمەتتىك اراقاشىقتىقتى قاتاڭ ساقتاۋعا، ادامدار كوپ شوعىرلاناتىن ورىنداردان اۋلاق بولۋعا شاقىرادى. سونىمەن قاتار، اركىم ءوزى مەن جاقىندارىنىڭ دەنساۋلىعىن ساقتاۋ ءۇشىن ۆاكسينا العاندارى ءجون.