ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن مۇناي-گاز جانە ەنەرگەتيكا سالالارىن دامىتۋ جونىندەگى ۆەدومستۆوارالىق كوميسسيانىڭ (ۆاك) وتىرىسىندا ىشكى نارىقتى سۇيىلتىلعان گازبەن ۇزدىكسىز قامتاماسىز ەتۋ ماسەلەسى قارالدى
مەملەكەت باسشىسى قاسىم-جومارت كەمەل ۇلى توقايەۆتىڭ تاپسىرماسىن ورىنداۋ اياسىندا سۇيىلتىلعان مۇناي گازىن (سمگ) ەلەكتروندىق ساۋدا الاڭىنان (ەسا) تىس – جەرگىلىكتى اتقارۋشى ورگانداردىڭ وتىنىمدەرى نەگىزىندە ىشكى نارىققا جەتكىزۋ جوسپارى ارقىلى ساتۋ تۋرالى شەشىم قابىلداندى، دەپ حابارلايدى Almaty-akshamy.kz
ق ر ىشكى نارىعىنا سۇيىلتىلعان مۇناي گازىن جەتكىزۋ جوسپارىن قالىپتاستىرۋ قاعيدالارىنا مۇناي-گاز حيمياسى كاسىپورىندارىمەن جانە توپتىق رەزەرۆۋارلىق قوندىرعىلارمەن (تۇرمىستىق مۇقتاجدىقتار ءۇشىن) قاتار، سمگ-نى ەسا-دان تىس ساتىپ الۋعا قۇقىعى بار سۋبەكتىلەردىڭ ءتىزىمىن كەڭەيتۋدى كوزدەيتىن وزگەرىستەر ەنگىزىلدى، مۇنداي قۇقىققا اۆتوگاز قۇيۋ ستانسيالارى، گاز جەلىسى ۇيىمدارى، گاز تولتىرۋ بەكەتتەرى، گاز تولتىرۋ ستانسيالارى يە بولدى.
ەنەرگەتيكا مينيسترلىگى سۋبەكتىلەردىڭ اتالعان جاڭا ساناتتارى ءۇشىن ەسا-دان تىس ىشكى نارىقتا سمگ-نى بولۋگە ۋاكىلەتتى.
سمگ كوتەرمە جانە بولشەك ساۋدادا وتكىزۋدىڭ 150-دەن استام سۋبەكتىسى جۇمىس ىستەيتىن وڭىرلەردىڭ اكىمدىكتەرى وسىنداي سۋبەكتىلەر اراسىندا سۇيىلتىلعان مۇناي گازىن ءبولۋدىڭ ءوز تەتىكتەرىن ازىرلەۋگە ۋاكىلەتتى.
2021 جىلعى جەلتوقساندا جانە 2022 جىلعى قاڭتاردا بولشەك ساۋدادا وتكىزۋشىلەر ەسا-لاردان سۇيىلتىلعان گاز كولەمدەرىن كوتەرمە نارىق باعالارى بويىنشا ساتىپ الدى.
بيىل 5 قاڭتاردا سۇيىلتىلعان مۇناي گازىن بولشەك ساۋدادا ساتۋعا شەكتى باعالار بەلگىلەندى (وڭىرلەرگە قاراي – ءبىر ءليترى ءۇشىن 50 تەڭگەدەن 70 تەڭگەگە دەيىن، شالعاي اۋدانداردا – ءبىر ءليترى ءۇشىن 55 تەڭگەدەن 75 تەڭگەگە دەيىن)، سونداي-اق شەكتى كوتەرمە باعاسى ءبىر تونناسى ءۇشىن 38 701 تەڭگەدەن 28 000 تەڭگەگە دەيىن تومەندەدى.