ق ر پرەمەر-مينيسترى ءاليحان سمايىلوۆ ءباا پرەمەر-مينيسترىنىڭ ورىنباسارى – پرەزيدەنت ىستەرى جونىندەگى ءمينيسترى شەيح مانسۋر بەن زايد ءال ناحايانمەن تەلەفون ارقىلى سويلەستى
ءباا پرەمەر-مينيسترىنىڭ ورىنباسارى – پرەزيدەنت ىستەرى جونىندەگى ءمينيسترى شەيح مانسۋر بەن زايد ءال ناحايان ءا. سمايىلوۆتى قازاقستان رەسپۋبليكاسىنىڭ پرەمەر-مينيسترى لاۋازىمىنا تاعايىندالۋىمەن قۇتتىقتادى، دەپ حابارلايدى Almaty-akshamy.kz رrimeminister.kz-كە سىلتەمە جاساپ
مانسۋر بەن زايد ءال ناحايان قاڭتار وقيعاسى كەزىندە قازا تاپقان قازاقستاندىقتاردىڭ وتباسىلارىنا كوڭىل ايتىپ، بارشا قازاقستان حالقىنا بەيبىتشىلىك پەن وركەندەۋ تىلەدى. تاراپتار ستراتەگيالىق ارىپتەستىكتى ودان ءارى نىعايتۋعا ءازىر ەكەندىكتەرىن ءبىلدىردى.
2021 جىلدىڭ 11 ايىنىڭ قورىتىندىسى بويىنشا ق ر مەن ءباا اراسىنداعى ءوزارا ساۋدا كولەمى $673،7 ملن قۇرادى، بۇل 2020 جىلدىڭ سايكەس كەزەڭىندەگى كورسەتكىشتەن شامامەن 50%-عا ارتىق جانە 2019 جىلعى پاندەمياعا دەيىنگى دەڭگەيدەن ەداۋىر اسىپ ءتۇستى.
قازاقستاندا امىرلىكتەر كاپيتالىنىڭ قاتىسۋىمەن 300-گە جۋىق بىرلەسكەن كاسىپورىن جۇمىس ىستەيدى. قازاقستاننىڭ تاۋەلسىزدىك جىلدارىندا بىرىككەن اراب امىرلىكتەرىنىڭ ق ر ەكونوميكاسىنا تىكەلەي ينۆەستيسيا كولەمى $2،4 ملرد قۇرادى، قر-نىڭ ءباا-عا سالعان ينۆەستيسيا كولەمى $1 ملرد استى.
قازاقستان پرەمەر-مينيسترى ءاليحان سمايىلوۆ ءباا قر-نىڭ اراب الەمىندەگى ماڭىزدى ساۋدا-ەكونوميكالىق سەرىكتەسى ەكەنىن اتاپ ءوتتى.
بيىل قازاقستان مەن بىرىككەن اراب امىرلىكتەرى اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى.