اياۋلى الماتى
ءار دامىعان ەلگە كوز سالساڭىز، ونىڭ ەرەكشەلەنگەن الىپ مەگاپوليستەرى بولادى. دۇنيە ءجۇزىنىڭ الىپ دەرجاۆاسى - امەريكا قۇراما شتاتتارى اتاقتى نيۋ-يورك، ۆاشينگتون قالالارىمەن اتاقتى. جاپونيا دەسە، توكيو ەسكە تۇسەدى. ال باۋىرلاس تۇركيانىڭ ىستامب ۇلى بار. وسىلاردىڭ بارلىعى كۇللى دۇنيەگە ءماشھۇر شاھارلار سانالادى.
سۇيىكتى قالا. ۋاقىت ماشيناسى كۇن وتكەن سايىن العا جىلجىپ كەلەدى. جولىنداعىسىن جايپاۋدا. مۇنى ەكى جاقتى تۇسىنۋگە بولادى. جاھاندانۋدىڭ قانات جايعانى قاشان. بىر-بىرىنە ۇقساستىق، ءبىرىن-بىرى قايتالاۋ - ەجەلدەن كەلە جاتقان ءۇردىس. دەسە دە، ءبىزدىڭ الماتىنىڭ ءجونى بولەك. قالا تاريحى 1000 جىلدان اسادى. تالاي وقيعانىڭ كۋاگەرى دەسەك، قاتەلەسپەيمىز. قاستەرلى جەتىسۋ وڭىرىندە ورنالاسقان بۇل قۇتتى مەكەن تالايدىڭ شامىن جاقتى. ديماش اتامىز 30 جىل وسىندا بيلىك قۇردى. سول كەزدەگى الما-اتانى دامىتتى. "قازاقستان" قوناق ءۇيىن، شىعىس مونشاسى، رەسپۋبليكا سارايى، "مەدەۋ" مۇزايدىنىن سالدى. بۇل ءوڭىر ءشامشى مەن مۇقاعاليعا شابىت بەردى. الاتاۋ باۋرايىنا باۋرادى. ال تابيعاتىنا ءسوز جەتپەيدى.
قالا - توعىز جولدىڭ تورابى. ارىسى قىتايعا، مىنا شەتى قىرعىزستان، وزبەكستان ارقىلى ورتالىق ازياعا شىعادى. گەولوكاسياسى قولايلى ءارى ساۋدا-ەكونوميكالىق ورتالىق دەۋگە تولىق نەگىز جەتەرلىك.
ءتۇيىن. قازاق ەلىنىڭ باس قالاسى ەلوردا ەكەنى انىق. ال ءبىراق، مادەنيەت پەن ونەر ورداسى بولىپ الماتى قالا بەرەرى ءسوزسىز. بارشامىزدىڭ ورتاق، سۇيىكتى قالامىزدىڭ ماڭگى ايالاي بىلەيىك!