ق ر تۋريزم جانە سپورت مينيسترلىگى V دۇنيەجۇزىلىك كوشپەندىلەر ويىندارىندا بۇگىن ب ا ق سىنايتىن قازاقستان كوماندالارىنىڭ جارىس كەستەسىن جاريالادى، دەپ حابارلايدى aqshamnews.kz.
9 قىركۇيەك كوكپاردان 9 مەملەكەتتىڭ سپورتشىلارى ءوزارا مىقتىنى انىقتايدى. بۇل سپورت تۇرىنەن بارلىعى 104 سپورتشى قاتىسادى.
كوكپاردان ب ا ق سىنايتىن قۇرامالار: قازاقستان، اقش، رەسەي، وزبەكستان، قىرعىزستان، ۆەنگريا، جۇڭگو، موڭعوليا جانە تۇركيا. جارىس «قازانات» يپپودرومىندا وتەدى.
جارىس «قازانات» يپپودرومىندا وتەدى.
«ارعىماق» ات-سپورت كەشەنىندە ءداستۇرلى ساداق اتۋدان جارىس باستالادى. 33 مەملەكەتتەن 183 سپورتشى ب ا ق سىنايدى. قازاقستان قۇراماسى ساپىنان 10 سپورتشى قاتىسادى.
جارىس ءۇش ءتۇرلى نىسانا نەگىزىندە وتكىزىلەدى. ولار:
پۋتا نىساناسى 70/60 مەتر (9 وقتان 7 مۇمكىندىك)؛
قالقان نىساناسى 60/50 مەتر (7 وقتان 7 مۇمكىندىك)؛
جامبى نىساناسى 30 مەتر (5 وقتان 5 مۇمكىندىك) جانە كوماندالىق جارىس (30 مەتر).
استانا قالاسىندا يپپودروم ماڭىنداعى ەتنواۋىلدا وتەتىن اۋدارىسپاقتان كوشپەندىلەر ويىندارىنا 9 مەملەكەتتەن، 64 سپورتشى تىركەلدى. ولار: قازاقستان، قىرعىزستان، وزبەكستان، موڭعوليا، تۇركيا، ۆەنگريا، جۇڭگو، اقش جانە رەسەي.
قازاقستان نامىسىن ەرمەك قۇرالباي، المات لاتىپبەك، دارىن وتكەلباي، ەسىمحان ءراحماتىللا، سىرىم ءىزباساروۆ جانە ءبىرجان قوسالييەۆ قورعايدى.
ساحا حالقىنىڭ ۇلتتىق سپورتى ماس-رەستلينگتەن جارىسقا 31 مەملەكەتتەن 98 سپورتشى قاتىسادى. اتالعان سپورت تۇرىنە قازاقستان ۇلتتىق قۇراماسى اتىنان 8 سپورتشى سىنعا تۇسەدى.
ولار – تەمىرلان شامەت، اسىلمۇرات ءبىرىمجان، ۆلاديسلاۆ گەراسيموۆ، بەردىقۇل التاي، ەركەبۇلان ەرلان، جانسايا راحمەتۋللايەۆا، تاحمينا گوجامبەردييەۆا جانە ولگا دۋشايەۆا. ماس-رەستلينگ سپورتىنان باسەكە ەكى كۇن بولادى.
اسىق اتۋدان سىنعا تۇسەتىن سپورتشىلار دا جەرەبە تارتىپ، قارسىلاستارىن انىقتادى. ولار «الاۋ» مۇز ايدىنى سارايىندا باسەكەگە تۇسەدى. اسىق اتۋدان 12 مەملەكەتتەن كەلگەن 39 سپورتشى ءوزارا مىقتىنى انىقتايدى.
اسىق اتۋدان ەل نامىسىن 8 اسىق اتۋشى قورعايدى. ولار – نۋركيسسا مولجيگيتوۆ، جومارت نۋرلانوۆ، كەرىم جازدىقباي، اماندوس ايتكۇلوۆ، پەريزات ەلەمەس، كاميلا دانياروۆا، سانيا اسكەر جانە كوگەرشىن دۋمان.
فينالدىق ويىندار 11 قىركۇيەكتە وتەدى.
«الاۋ» مۇز ايدىنى سارايىندا وتەتىن كۋراشقا 27 مەملەكەتتەن 106 سپورتشى قاتىسادى. اتالعان سپورت تۇرىنەن بالۋاندار ەرلەر اراسىندا بەس سالماقتا، ايەلدەر اراسىندا ءۇش سالماق دارجەسىندە بەلدەسەدى.
ەل نامىسىن 8 سپورتشى قورعايدى. ولار – ەرنۇر سۇلەيمەن، ايبەك قازاقبايەۆ، ءنۇردىن شايمەردەن، بەكاديل شايمەردەنوۆ، مارات بايكامۋروۆ، التىناي نۇرحانوۆا، اجار سالىقوۆا جانە البينا باحييەۆا.
قازاق كۇرەسى جاقسىلىق ۇشكەمپىروۆ اتىنداعى جەكپە-جەك سارايىندا وتەدى. كوشپەندىلەر ويىندارىنا قازاق كۇرەسىنەن 41 مەملەكەتتەن 274 سپورتشى قاتىسادى. اتالمىش سپورت تۇرىنەن ەرلەر مەن ايەلدەردىڭ ءارقايسى 8 سالماق دارەجەسىندە سىنعا تۇسەدى.