2023 جىلعى 11 قاڭتاردا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ باسقارما ءتوراعاسى - رەكتور دارحان ءبىلالوۆ رەسپۋبليكالىق «عىلىم سالاسىنداعى سىيلىق (اتاۋلى پرەميا) جانە مەملەكەتتىك عىلىمي ستيپەنديا» يەگەرلەرىن، رەسپۋبليكالىق «جوو ۇزدىك وقىتۋشىسى-2022»، «ۇزدىك عىلىمي قىزمەتكەر-2022» بايقاۋلارىنىڭ جەڭىمپازدارىن ماراپاتتادى، دەپ حابارلايدى اlmaty-akshamy.kz.
اتالعان بايقاۋلارعا قاتىسۋشىلاردىڭ جەتىستىكتەرى ءار ءتۇرلى كريتەرييلەر بويىنشا باعالاندى: ەلەكتروندىق وقۋ رەسۋرستارىن ازىرلەۋ جانە جاريالاۋ، جازبا كورۋگە بولاتىن پلاتفورمالاردا ۇسىنىلعان ساباقتاردىڭ ساپاسى، وتاندىق جانە حالىقارالىق رەيتينگتىك باسىلىمدارداعى عىلىمي جاريالانىمدار، ونەرتابىسقا پاتەنتتەردىڭ بولۋى، قورعاۋ راسىمىنەن ءساتتى وتكەن دوكتورانتتاردىڭ جۇمىستارىنا باسشىلىق ەتۋ جانە ت.ب.
قوس ماراپات يەگەرلەرى پروفەسسور ق.ەسەنوۆا («ۇزدىك عىلىمي قىزمەتكەر»، مەملەكەتتىك ستيپەنديا يەگەرى) مەن PhD ش.لايسحانوۆقا («جوو ۇزدىك وقىتۋشىسى»، تالانتتى جاس عالىمدارعا ارنالعان عىلىمي ستيپەنديا يەگەرى)؛ گۋمانيتارلىق عىلىمدار سالاسىنداعى ءۇزدiك عىلىمي زەرتتەۋى ءۇشiن ش.ءۋاليحانوۆ اتىنداعى سىيلىق يەگەرى ج.ىشپەكبايەۆقا، مەملەكەتتىك عىلىمي ستيپەنديا يەگەرلەرى، جەتەكشى عالىمدار ج.حامزينا مەن س.ابيشيەۆاعا، تالانتتى جاس عالىمدارعا ارنالعان عىلىمي ستيپەنديا يەگەرلەرى ە.ايتەنوۆاعا، ا.جۋنۋسبەكوۆاعا، ە.ۋايدۋللاقىزىنا، سونداي-اق، «جوو ۇزدىك وقىتۋشىسى - 2022» بايقاۋىنىڭ جەڭىمپازدارى و.ابيشيەۆا مەن ا.رىسقانعا ۋنيۆەرسيتەتىمىزدىڭ ابىروي بەدەلىن كوتەرۋ جولىنداعى جەمىستى ەڭبەكتەرى ءۇشىن العىس حاتتار تابىستالدى. الداعى ۋاقىتتا بۇدان دا بيىك مەجەنى باعىندىرۋ جولىندا ايانباي ەڭبەك ەتە بەرۋلەرىنە تىلەكتەستىك ءبىلدىردى.
عالىمداردى ايتۋلى جەڭىستەرىمەن شىن جۇرەكتەن قۇتتىقتايمىز! شىعارماشىلىق تابىس، جاڭا جەتىستىكتەر، قىزىقتى يدەيالار جانە ەلىمىزدىڭ وركەندەۋى جولىنداعى عىلىمي شىعارماشىلىق ىزدەنىستەرىنىڭ جەمىستى بولۋىن تىلەيمىز.